ក្រសួងធនធានទឹក បញ្ជាក់ពីស្ថានភាពធាតុអាកាសនៅកម្ពុជា ចាប់ពីថ្ងៃទី ២០-២៦ ខែតុលា

ភ្នំពេញ៖ នៅថ្ងៃទី ១៩ ខែតុលា ឆ្នាំ២០២១នេះ ក្រសួងធនធានទឹក បានជូនដំណឹងថា នាសប្តាហ៍ខាងមុខនេះ ប្រទេសកម្ពុជាភាគជើងទទួលឥទ្ធិពលពីទ្រនុងសម្ពាធខ្ពស់ចិន រីឯភាគខាងត្បូងទទួលឥទ្ធិពលពីជ្រលងសម្ពាធទាបឥណ្ឌា។

ក្រសួងបានបញ្ជាក់ទៀតថា ស្ថានភាពបែបនេះ នឹងធ្វើឱ្យ បណ្តាខេត្តនៅតំបន់វាលទំនាបកណ្តាល អាចនឹងមានភ្លៀងក្នុងកម្រិតពីខ្សោយទៅបង្គួរ លាយផ្សំផ្គរ រន្ទះ។ ជាមួយគ្នានោះ នៅបណ្តារាជធានីខេត្តភាគខាងក្រោម និងមានព្រំប្រទល់ជាប់វៀតណាម អាចមានភ្លៀងធ្លាក់ច្រើនដោយអន្លើ។

ដោយឡែក បណ្តាខេត្តជាប់ជួរភ្នំដងរែក និងខ្ពង់ឦសាន ក៏ដូចជាតំបន់មាត់សមុទ្រ អាចនឹងមានភ្លៀងធ្លាក់ក្នុងកម្រិតពីខ្សោយទៅមធ្យម។ អាស្រ័យស្ថានភាពអាកាសធាតុដូចបានជម្រាបជូនខាងលើ សូមសាធារណជនជ្រាបជាព័ត៌មាន៕

ដើម្បីជ្រាបឱ្យកាន់តែច្បាស់ សូមអានសេចក្តីជូនដំណឹងខាងក្រោម៖