Benzema ថា ការប្រកួត El Clasico នៅតែអស្ចារ្យដដែល ទោះលែងមានវត្ដមានកីឡាកររូបនេះ - Khmerload

Benzema ថា ការប្រកួត El Clasico នៅតែអស្ចារ្យដដែល ទោះលែងមានវត្ដមានកីឡាកររូបនេះ

https://s9.kh1.co/b6/b68f836d9f6f97b0423f53ba0a3a185038c1eb9b.jpg
កីទ្បា
 18-Oct-2021 9am · 2 months ago

Benzema ថា ការប្រកួត El Clasico នៅតែអស្ចារ្យដដែល បើទោះបីលែងមានវត្ដមានកីឡាកររូបនេះ។

អេស្ប៉ាញ៖ ខ្សែប្រយុទ្ធមុតស្រួចរបស់ក្រុមអធិរាជស Real Madrid កីឡាករ Karim Benzema បានហៅ El Clasico ថាជាការប្រកួតដ៏ល្អបំផុត នៅក្នុងពិភពបាល់ទាត់ ខណៈដែលក្រុមរបស់ខ្លួននឹងទៅសួរសុខទុក្ខក្រុម Barcelona ដល់កីឡដ្ឋាន Camp Nou នាថ្ងៃទី២៤ ខែតុលានេះ។

https://s9.kh1.co/__image/w=650,h=434,q=100/36/36d5c2a5db03db38542086d0dd7f830648c678f6.jpg
រូបភាព
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គូប្រជែងដ៏ធំទាំងពីរនេះ នឹងត្រូវតតាំគ្នាក្នុងការប្រកួតជើងទីមួយ នៃក្របខណ្ឌ La Liga រដូវកាលនេះ ដោយមិនមានវត្ដមានអតីតខ្សែប្រយុទ្ធឆ្នើម Lionel Messi ក្នុងជំនួបដែលគេតែងតែហៅថា El Clasico ជាលើកដំបូង ក្នុងរយៈពេលជិត២ទសវត្សរ៍។

https://s9.kh1.co/__image/w=650,h=434,q=100/60/60811889744f8a711e955dea9cd3277e4282b955.jpeg
Benzema 

យ៉ាងណាមិញ ថ្លែងប្រាប់សារព័ត៌មាន ESPN ខ្សែប្រយុទ្ធសញ្ជាតិបារាំង Benzema បានបញ្ជាក់ថា ភាពទាក់ទាញរបស់ El Clasico ដែលតែរក្សាបានដដែល ដោយមិនគិតអំពីកីឡាករដែលចូលរួមក្នុងការប្រកួតនេះទេ។ ម្ចាស់អាវលេខ៩រូបនេះ បាននិយាយថា៖

សម្រាប់ខ្ញុំវានៅតែដដែល។ វានៅតែជាការប្រកួតដែលល្អបំផុតក្នុងបាល់ទាត់។ វាមិនសំខាន់ត្រង់ថា មានកីឡាករណាម្នាក់នៅក្នុងការប្រកួតនោះ ឬអ្នកណាចាកចេញទេ។ Real-Barca គឺជាឈ្មោះប្រវត្ដិសាស្ដ្រ។ ជាក់ស្ដែង បើទោះបីកាលពីជំនាន់មុនៗធ្លាប់មាន Zidane, Ronaldinho, Ronaldo ឬ Eto'o ហើយបច្ចុប្បន្នលែងមានពួកគាត់ក៏ដោយ តែ Real-Barca នៅតែ Real-Barca ជានិច្ច។

Benzema 
https://s9.kh1.co/__image/w=650,h=433,q=100/a5/a577f702e2edaf9219459f48d80f318cf335df1d.jpg
រូបភាព

ប្រភពsportskeeda

Chheng Bouthorng
B.T

អត្ថបទទាក់ទង