បើគិតថាល្អ ធ្វើចុះ! លោក Pep និយាយត្រង់ៗថា មិនឃាត់កូនក្រុមរូបនេះទេបើគេចង់ចាកចេញ - Khmerload

បើគិតថាល្អ ធ្វើចុះ! លោក Pep និយាយត្រង់ៗថា មិនឃាត់កូនក្រុមរូបនេះទេបើគេចង់ចាកចេញ

https://s9.kh1.co/4a/4a48e2078e7329bafbf4565dff66d9b62cbe2ba9.jpg
កីទ្បា
 18-Oct-2021 9am · 2 months ago

លោក Pep ថាលោកនឹងបើកផ្លូវឲ្យកីឡាកររូបនេះចាកចេញ

អង់គ្លេស៖ លោកគ្រូបង្វឹក Pep Guardiola បានចេញមុខនិយាយថាលោកនឹងបើកផ្លូវឲ្យខ្សែប្រយុទ្ធ Raheem Sterling ចាកចេញពីក្លិប Manchester City បន្ទាប់ពីមានពាក្យចចាមអារ៉ាមជាច្រើនបង្ហើបថាកីឡាករសញ្ជាតិអង់គ្លេសរូបនេះកំពុងសម្លឹងចង់រកទ្រនំថ្មី។

https://s9.kh1.co/__image/w=650,h=434,q=100/3d/3db0109c9d3c9a6be7aa9d932f898fe6b1313ecd.jpg
ខ្សែប្រយុទ្ធ Raheem Sterling
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Sterling បានក្លាយជាកីឡាករស្នូលមួយរូប ក្នុងក្រុមរបស់លោក Pep ប៉ុន្តែនៅរដូវកាលនេះ ក្រោយការទិញយក ខ្សែបម្រើ Jack Grealish មក គឺ គេពុំសូវជាបានចូលលេងញឹកញាប់ដូចមុនឡើយ ហើយសារព័ត៌មានជាច្រើនបានចុះផ្សាយថានេះជាដើមចមនាំឲ្យ ខ្សែប្រយុទ្ធរូបនេះមិនសប្បាយចិត្តនិងចង់ចាកចេញពីទឹកដី Etihad ។

https://s9.kh1.co/__image/w=650,h=488,q=100/1b/1b1223a88c5c594317fbf8ac45477b3291ca4a03.jpg
លោកគ្រូបង្វឹក Pep Guardiola និង Raheem Sterling

ក្លិប Barcelona ត្រូវបានគេរាយការណ៍ថាចង់បាន Sterling ហើយរូបគេផ្ទាល់ក៏ធ្លាប់បាននិយាយថាកំពុងគិតគូពីអនាគតខ្លួនឯង។

https://s9.kh1.co/__image/w=650,h=650,q=100/fa/fa87b3fc0bda5a38a21fa9e8e60ce72ac8635f0f.jpg
ខ្សែប្រយុទ្ធ Raheem Sterling

ដោយឡែក ទន្ទឹមនឹងព័ត៌មាននេះ លោក Pep បានថ្លែងប្រាប់ The Guardian ទាក់ទងនឹងរឿងនេះថា៖

បើសិនជាមានជម្រើសអាចផ្លាស់ទៅកន្លែងផ្សេងដើម្បីគេអាចចូលលេងបានច្រើនប្រកួត ខ្ញុំមិនថាអីនោះទេ។ ក្នុងនាមជាកីឡាករអង់គ្លេសមួយរូប អ្វីដែលអ្នកដឹងពី Premier League គឺខ្ញុំតែងតែគិតថា អ្នកដឹងទេថាថ្ងៃណាមួយ ខ្ញុំចង់លេងនៅប្រទេសផ្សេង និងសាកល្បងខ្លួនឯងដើម្បីទទួលយកការប្រកួតប្រជែងថ្មី។ អ្វីដែលខ្ញុំចង់បានពី Raheem និងគ្រប់គ្នាគឺ ខ្ញុំចង់ឲ្យពួកគេស្កប់ស្កល់ក្នុងការស្នាក់នៅទីនេះនិងរីករាយក្នុងការនៅក្លិបនេះ។ បើពួកគេមិនសប្បាយចិត្តទេ នោះពួកគេអាចធ្វើការសម្រេចចិត្តណាមួយដោយគ្មានការឃាត់ឃាំង។

លោកគ្រូបង្វឹក Pep Guardiola 
https://s9.kh1.co/__image/w=650,h=366,q=100/5c/5c18516f046b6a952b66856f3aaefa6f15a18b0b.jpeg
លោកគ្រូបង្វឹក Pep Guardiola

ប្រភពcaughtoffside

Sok Navin
N.V

អត្ថបទទាក់ទង