លោក Scholes ថា ក្រុមមួយនេះនឹងមិនឈ្នះពាន Premier League ទេ ព្រោះតែខ្វះអ្នកស៊ុតបញ្ចូលទី - Khmerload

លោក Scholes ថា ក្រុមមួយនេះនឹងមិនឈ្នះពាន Premier League ទេ ព្រោះតែខ្វះអ្នកស៊ុតបញ្ចូលទី

https://s9.kh1.co/0a/0a61fe0cafd54effe26054e8a28fd86ff75f21cc.jpg
កីទ្បា
 16-Oct-2021 10am · a month ago

លោក Scholes ថា ក្រុមមួយនេះនឹងមិនឈ្នះពាន Premier League ទេ ព្រោះតែខ្វះអ្នកស៊ុតបញ្ចូលទី។

អង់គ្លេស៖ វីរបុរសក្រុមបិសាចក្រហម Manchester United លោក Paul Scholes បាននិយាយថា ក្រុមតោខៀវ Chelsea នឹងមិនអាចឈ្នះពាន Premier League ឡើយ ព្រោះពួកគេខ្សត់អ្នកស៊ុតបញ្ចូលទី។

https://s9.kh1.co/__image/w=650,h=366,q=100/11/113ca2bf5b3e6b1ada2278528ccd9aab3a6cc0d9.jpg
ក្រុមChelsea
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ Chelsea ហាក់ចាប់ផ្ដើមបានល្អ ដោយបានឈ្នះ៥ប្រកួត ក្នុងចំណោម៧ប្រកួតដំបូង នៅរដូវកាលថ្មីនេះ ខណៈបច្ចុប្បន្នកំពុងឈរកំពូលតារាង Premier League ប៉ុន្ដែលោក Scholes ជឿថាក្រុមរបស់លោក Thomas Tuchel នឹងមិនជោគជ័យជាមួយពាននេះឡើយ។

https://s9.kh1.co/__image/w=650,h=430,q=100/ed/ed20c02e03e0d863f7746f3e26821ada50a0172c.jpg
លោក Scholes

លោកបាននិយាយថា៖

ខ្ញុំគិតថា Chelsea មានគ្រូបង្វឹកល្អហើយ តែខ្ញុំមិនប្រាកដថា ក្រុមពួកគេនឹងមានគ្រាប់បាល់គ្រប់គ្រាន់ទេ។ ខ្ញុំគិតថា Romelu Lukaku នឹងអាចរកគ្រាប់បាល់បាន ប៉ុន្ដែកីឡាករក្នុងក្រុមផ្សេងទៀតរៀងពិបាកបន្ដិច។ ខ្ញុំមិនប្រាកដថា Timor Werner នឹងអាចស៊ុតបញ្ចូលទីច្រើនទេ...នៅពេលគាត់លេងឲ្យជម្រើសជាតិអាល្លឺម៉ង់ គាត់តែងតែរកគ្រាប់បាល់បានគ្រប់ប្រកួត តែនៅ Chelsea គាត់ខកខានច្រើនណាស់។ ម៉្យាងវិញទៀត ខ្ញុំមិនគិតថា Chelsea ជាក្រុមការពារខ្លាំងទេ។ Rudiger ពិតជាល្អមែន ប៉ុន្ដែក្រៅពីនោះ ដូចជា Thaigo Silva ដែលមានវ័យ៣៦ឆ្នាំទៅហើយ នឹងមិនអាចលេងបានគ្រប់ប្រកួតទេ។ បើនិយាយពីតំបន់បម្រើវិញ Chelsea ល្អហើយ ប៉ុន្ដែបញ្ហាចម្បងត្រង់ថា ពួកគេស្ទើរអ្នកស៊ុតបញ្ចូលទី៕

លោក Paul Scholes
https://s9.kh1.co/__image/w=650,h=366,q=100/fa/fab3413a17a648331acb34b33c511dafff5d133b.jpg
Werner 

ប្រភពdailypost

Chheng Bouthorng
B.T

អត្ថបទទាក់ទង