ដ្បិត អាហ្សង់ទីន ឈ្នះ ប៉េរូ ១-០ តែ Messi បានបង្ហាញក្តីមិនពេញចិត្ត និងធ្វើការបន្ទោសទៅកាន់អាកាសធាតុ និងអាជ្ញាកណ្តាលថា... - Khmerload

ដ្បិត អាហ្សង់ទីន ឈ្នះ ប៉េរូ ១-០ តែ Messi បានបង្ហាញក្តីមិនពេញចិត្ត និងធ្វើការបន្ទោសទៅកាន់អាកាសធាតុ និងអាជ្ញាកណ្តាលថា...

https://s9.kh1.co/3c/3cee29f6a9f618b09c40b36acb213b25aaec0876.jpg
កីទ្បា
 15-Oct-2021 4pm · a month ago

ដ្បិត អាហ្សង់ទីន ឈ្នះ ប៉េរូ ១-០ តែ Messi បានបង្ហាញក្តីមិនពេញចិត្តចំពោះអាកាសធាតុ និងអាជ្ញាកណ្តាលទេ

បរទេស៖ Lionel Messi ហាក់មានបំណងបន្ទោសទៅកាន់អាកាសធាតុ និង លោកអាជ្ញាកណ្តាល បន្ទាប់ពីក្រុមជម្រើសជាតិ អាហ្សង់ទីនទទួលជ័យជម្នះបានត្រឹមលទ្ធផល ១ ទល់នឹង ០ ទៅលើក្រុម ប៉េរូ នៃការប្រកួតវគ្គជម្រុះព្រឹត្តិការណ៍ World Cup ក្នុងតំបន់ អាមេរិកខាងត្បូង, ខណៈខ្សែប្រយុទ្ធរបស់ក្រុម Paris Saint-Germain បានអះអាងថា មន្ត្រីអាជ្ញាកណ្តាលសញ្ជាតិ ប្រេស៊ីល គឺមានចេតនាកាត់សេចក្តីមិនសុក្រឹតភាព។

https://s9.kh1.co/__image/w=650,h=433,q=100/05/05a3844f4a875568d1d2924b669f1280acf4a7ea.jpg
ក្រុមជម្រើសជាតិ អាហ្សង់ទីន
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាការពិតណាស់ មួយគ្រាប់របស់កីឡាករ Lautaro Martinez បានធានាជួយឱ្យក្រុម អាហ្សង់ទីនទទួលបាន ៣ ពិន្ទុយ៉ាងសំខាន់ និង កក់ក្តៅដើម្បីឡើងទៅកាន់ជុំផ្តាច់ព្រឹត្តិការណ៍ World Cup ដែលធ្វើឡើងនៅប្រទេស កាតា ឆ្នាំ ២០២២។ ប៉ុន្តែយ៉ាងណាម្ចាស់ពាន Ballon d’Or ៦ បានបង្ហាញក្តីមិនសប្បាយចិត្តនៅក្នុងការប្រកួតនោះទេ ម្យ៉ាងទៀតរូបគេបានដាក់បន្ទុកធ្ងន់ទៅលើការកាត់សេចក្តីរបស់លោកអាជ្ញាកណ្តាលទៀតផង។

https://s9.kh1.co/__image/w=650,h=366,q=100/23/2313f1638ae609ea6573ed7b14d0a67fae43e2b4.jpg
Messi និងលោក អាជ្ញាកណ្តាល

ក្រោយបញ្ចប់ការប្រកួត Messi បានរៀបរាប់នៅលើបណ្តាញសង្គម Instagram របស់ខ្លួនយ៉ាងដូច្នេះថា៖

វាជាការប្រកួតដ៏ពិបាក, វាពិតជាពិបាកលេងណាស់។ នៅទីនោះមានខ្យល់ខ្លាំង, ខ្យល់បានរំខានដល់ការលេងរបស់ពួកយើង, ម្យ៉ាងទៀតវាក៏ធ្វើឱ្យពួកយើងពិបាកបម្លាស់ទីផងដែរ។ លោកអាជ្ញាកណ្តាលតែងតែកាត់សេចក្តីបែបនេះ នៅពេលគាត់ធ្វើជាអាជ្ញាកណ្តាល, ប្រាកដណាស់ ការកាត់សេចក្តីរបស់គាត់គឺមានចេតនាតែម្តង។ ប៉ុន្តែមិនថ្វីទេ, យ៉ាងណាយើងទទួលបាន ៣ ពិន្ទុហើយ ហើយយើងក៏កៀកនឹងទៅដល់គោលដៅដែរ៕

ប្រភពGoal

Sem Kosal
K.S

អត្ថបទទាក់ទង