ផុតពី Pedri! Barca ចង់ចងជើងតារាឆ្នើមរូបនេះម្នាក់ទៀត ដោយដាក់តម្លៃផ្ដាច់កុងត្រា១ពាន់លានដែរ - Khmerload

ផុតពី Pedri! Barca ចង់ចងជើងតារាឆ្នើមរូបនេះម្នាក់ទៀត ដោយដាក់តម្លៃផ្ដាច់កុងត្រា១ពាន់លានដែរ

https://s9.kh1.co/a0/a072ef3c5190112c17ceb492de5dd978c87ff1f6.jpg
កីទ្បា
 15-Oct-2021 4pm · a month ago

Barca ចង់ចងជើងតារាឆ្នើមរូបនេះម្នាក់ទៀត ដោយដាក់តម្លៃផ្ដាច់កុងត្រា១ពានលានដែរ។

អេស្ប៉ាញ៖ បន្ទាប់ពីប្រកាសអំពីការផ្ដល់កិច្ចស្យាថ្មីដល់ខ្សែបម្រើវ័យក្មេង Pedri រហូតដល់ឆ្នាំ២០២៦ ជាមួយនឹងតម្លៃទិញផ្ដាច់កុងត្រាចំនួន ១ពាន់លានអឺរ៉ូ ពេលនេះ ក្លិបអ្នកមានបុណ្យ Barcelona កំពុងធ្វើការលើខ្សែប្រយុទ្ធវ័យក្មេងមួយរូបទៀត គឺ Ansu Fati ។

https://s9.kh1.co/__image/w=650,h=434,q=100/42/42a906cf53a215a29002cf917b6b25c9250912b4.jpg
Fati និង Pedri
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រធានក្លិប Barcelona លោក​ Joan Laporta ចង់រក្សារ Fati តាមរបៀបដែលពួកគេបានធ្វើលើ Pedri ដោយកំណត់តម្លៃទិញផ្ដាច់កុងត្រាចំនួន ១ពានលានអឺរ៉ូ ទៅក្នុងកិច្ចសន្យាថ្មីនោះ។ ទោះជាយ៉ាងណា ក៏អាចមានលក្ខខណ្ឌខ្លះខុសគ្នា ដូចជាចំពោះរយៈពេលកុងត្រាជាដើម។

បញ្ហាសំខាន់មួយទៀត គឺថាតើ Fati នឹងទទួលបានថ្លៃពលកម្មប៉ុន្មាន ខណៈពេលក្លិបកំពុងជួបវិបត្ដិហិរញ្ញវត្ថុ ហើយ Barca ក៏មិនអាចផ្ដល់ប្រាក់ខែទាប សម្រាប់ឆ្នាំដំបូងនៃកិច្ចសន្យាថ្មីនោះដែរ។

https://s9.kh1.co/__image/w=650,h=366,q=100/7c/7cf9ae7d4acd39a10c2bef0009170b1d6be15e0f.jpg
Fati

ក្លិប Barca បានចរចាជាមួយ Fati អំពីបញ្ហាខាងលើមួយរយៈមកហើយ ហើយបើទោះការចរចានោះកំពុងដំណើរការល្អក៏ដោយ ក៏ពុំទាន់ឈានដល់កិច្ចព្រមព្រៀងរវាងភាគីទាំងពីរដែរ។

https://s9.kh1.co/__image/w=650,h=807,q=100/fe/fe2f4b810956e0f1af3b79aec2b63d0f8f5d8f1a.png
Fati

គួរឲ្យដឹងថា គោលដៅធំបំផុតរបស់លោក Joan Laporta គឺដើម្បីធានាបានថា ក្រុមមានកីឡាករស្នូល ដែលមានសមត្ថភាព ដើម្បីបង្កើតបានជាក្រុមកីឡាករឈុតធំ ដ៏មានសក្ដានុពល។ Fita ជាកីឡាករម្នាក់ស្ថិតក្នុងចំណោមនោះ ជាក់ស្ដែងរូបគេត្រូវបានផ្ដល់នូវអាវលេខ១០ បន្ដពី Messi៕

ប្រភពmarca

Chheng Bouthorng
B.T

អត្ថបទទាក់ទង