ត្រូវណាស់! Jose Enrique ថា តាំងពីលែងមានកីឡាករ២រូបនេះ La Liga គ្មានគីឡូប្រៀបធៀបជាមួយ PL ទេ - Khmerload

ត្រូវណាស់! Jose Enrique ថា តាំងពីលែងមានកីឡាករ២រូបនេះ La Liga គ្មានគីឡូប្រៀបធៀបជាមួយ PL ទេ

https://s9.kh1.co/29/29eca6723df656c2b3ac644eaa6c9b4a0947a90c.jpg
កីទ្បា
 15-Oct-2021 3pm · 2 months ago

លោក Jose Enrique ថាបច្ចុប្បន្ន La Liga គ្មានគីឡូប្រៀបធៀបជាមួយ Premier League ទេ តាំងពីលែងមានកីឡាករ២រូបនេះ។

អឺរ៉ុប៖ អតីតខ្សែការពារស្លាបស្ដាំរបស់ក្រុម Liverpool លោក Jose Enrique ជឿជាក់ថាលីគកំពូលអេស្ប៉ាញ La Liga មិនអាចប្រកួតប្រជែងជាមួយលីគកំពូលអង់គ្លេស ​Premier League បានទៀតទេ តាំងពីលេងមានវត្ដមានកំពូលខ្សែប្រយុទ្ធ Cristiano Ronaldo និង Lionel Messi ។

https://s9.kh1.co/__image/w=650,h=433,q=100/a5/a577f702e2edaf9219459f48d80f318cf335df1d.jpg
 Ronaldo និង Messi 
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ La Liga ជាលីគបាល់ទាត់ដ៏ធំ និងទទួលបានការគាំទ្របំផុតមួយ នៅលើពិភពលោក ជាពិសេសរនៅរាល់ពេលមានជំនួប EL Clasico ដែលជាការតទល់គ្នារវាង Ronaldo និង Messi ។ យ៉ាងណាមិញ លីគមួយនេះ ហាក់ធ្លាក់ប្រជាប្រិយភាពបន្ដិច ចាប់តាំងពី Ronaldo ចាកចេញពី Real Madrid ទៅ Juventus ក្នុងឆ្នាំ២០១៨ និង Messi ចាកចេញពី Barcelona ទៅ PSG នៅរដូវក្ដៅថ្មីៗនេះ។

https://s9.kh1.co/__image/w=650,h=433,q=100/3a/3abf9dd66e097e166cb8ce05c553acdfbae352be.jpg
លោក Jose Enrique

លោក Jose Enrique បានប្រាប់ Stats Perform ដូច្នេះថា៖

Ronaldo មិននៅ Real Madrid ទៀតទេ ហើយ Messi ក៏មាននៅ ​Barcelona ដែរ។ ពេលខ្លះមនុស្សចង់មើលក្រុមណាមួយលេង ក៏ដោយសារតែអ្នកទាំងពីលេងនៅក្នុងក្រុមនោះ។ Barcelona និង Real Madrid  ជាក្រុមដែលធ្លាប់តែបំបាក់ក្រុមដទៃ លែងដូចពីមុនហើយ ប៉ុន្ដែខ្ញុំជឿជាក់លើ Real Madrid ច្រើនជាង ប្រសិនពួកគេកំពុងប្រឹងប្រែង។ ពិតណាស់ ចំណូលរបស់លីគនីមួយៗមិនដូចគ្នាទេ នៅ Premier League ទោះបីស្ថិតក្នុងស្ថានភាពកូវីដ-១៩ ក៏ដោយ ក៏ពួកគេនៅតែខ្លាំង ជាក់ស្ដែងសូមក្រឡេកមើល Chelsea ដែលជាជើងឯក Champions League បានចំណាយលុយ១០០លានផោនទិញ Lukaku។ មិនត្រឹមតែ Premier League ប៉ុណ្ណោះទេ សូម្បីតែប្រាក់ខែកីឡាករនៅក្របខណ្ឌ Serie A ក៏ខ្ពស់ជាង La Liga ដែរ។ ដូច្នេះអ្នកមិនអាចប្រៀបធៀបគ្នាបានទេ នៅពេលនេះ៕

លោក Jose Enrique
https://s9.kh1.co/__image/w=650,h=434,q=100/51/5195fe22bc5eb24f694011dafcde6c6fce13af5a.jpg
 Ronaldo និង Messi 

ប្រភពas

Chheng Bouthorng
B.T

អត្ថបទទាក់ទង