អង់គ្លេស៖ វិចិត្រករម្នាក់ឈ្មោះថា Willard Wigan MBE អាយុ៦៤ឆ្នាំ បានប្រើប្រាស់មីក្រូទស្សន៍ ដើម្បីឆ្លុះឆ្លាក់រូបដ៏តូចរបស់ជើងឯកប្រដាល់ Tyson Fury ដែលឈរនៅលើចុងដែកគូល និងមានទំហំប៉ុនឈើគូស។
វិចិត្រកររូបនេះ បានទាំងប្រើរោមភ្នែករបស់គាត់ផ្ទាល់ ធ្វើជាជក់សម្រាប់គូរដាក់ពណ៌បន្ថែមលើរូបដែលបានឆ្លាក់ និងចំណាយពេលប្រាំបីម៉ោងក្នុងមួយថ្ងៃ រហូតដល់អស់រយៈពេលបួនសប្ដាហ៍ ទើបវាត្រូវបានចេញជារូបរាង។ តួយ៉ាង ចំពោះគំនិតនៃការបង្កើតឡើងនេះ គឺគាត់ចង់ផ្ដល់កិត្តិយសទៅដល់អ្នកប្រដាល់ ក្រោយពីការការពារខ្សែក្រវ៉ាត់ WBC ដោយជោគជ័យផងដែរ។ ហើយនេះ គឺជាស្នាដៃចុងក្រោយរបស់គាត់ ប៉ុន្ដែគាត់មិនបានដាក់តម្លៃឡើយ ទាំងដែលស្នាដៃដ៏អស្ចារ្យរបស់គាត់ពីមុនៗមានតម្លៃចាប់ពីប្រមាណ ១២៣,០០០ដុល្លារអាមេរិក ដល់ប្រមាណ ២៧៣,៤០០ដុល្លារអាមេរិកឯណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ រូបចម្លាក់នេះ ក្នុងចំណោមរូបចម្លាក់ខ្នាតតូចទាំង២៥ ដែលគាត់កំពុងដាក់តាំងបង្ហាញនៅឯវិចិត្រសាលសិល្បៈក្នុងទីក្រុង Birmingham ផងដែរ៕
ប្រភព: Daily Mail
សូមទស្សនារូបភាពខាងក្រោម៖
