មានរឿងធំហើយ! តារាឆ្នើមរបស់បារាំង រូបនេះអាចនឹងត្រូវជាប់ពន្ធនា.គាររយៈពេល៦ខែ

អឺរ៉ុប៖ ខ្សែការពារក្រុមជម្រើសជាតិបារាំង និង Bayern Munich កីឡាករ Lucas Hernandez ប្រឈមមុខនឹងការជាប់ពន្ធនាគាររយៈពេល៦ខែពីបទមិនគោរពបទបញ្ជាកាលពីឆ្នាំ ២០១៧ ។

ជាការពិតណាស់ Hernandez ដែលមានវ័យ២៥ឆ្នាំ ត្រូវបានចាប់ខ្លួនម្តងហើយកាលពីខែកុម្ភៈឆ្នាំ ២០១៧ កន្លងទៅបន្ទាប់ពី មិត្តស្រីរបស់គេត្រូវបានបញ្ជូនទៅកាន់មន្ទីរពេទ្យក្រោយភាគីទាំងពីរមានជម្លោះជាមួយគ្នា។

យ៉ាងណាក្តី ប៉ុន្មានខែក្រោយមកទៀត អ្នកទាំងពីរក៏បានទៅវិស្សមកាលជាមួយគ្នាដែលធ្វើឲ្យ Hernandez ត្រូវបានគេឃុំខ្លួននៅឯអាកាសយានដ្ឋានទីក្រុងម៉ាឌ្រីដនៅពេលពួកគេត្រឡប់មកវិញ ខណៈ មិត្តស្រីរបស់គេមិនត្រូវបានគេឃុំខ្លួនឡើយ។ នៅក្នុងខែធ្នូឆ្នាំ ២០១៩ ពេលនោះ Hernandez ជា កីឡាកររបស់ Atletico Madrid ជាថ្មីម្តងទៀតត្រូវបានតុលាការទីក្រុងម៉ាឌ្រីតកាត់ទោសឱ្យជាប់ពន្ធាការចំនួន៦ខែ។

ទន្ទឹមគ្នានេះផងដែរ ដោយសារនេះមិនមែនជាបទល្មើសដំបូងរបស់ Hernandez ដូច្នេះតម្រូវឲ្យរូបគេត្រូវតែជាប់ពន្ធនាគារ ហើយ រូបគេនឹងត្រូវបង្ហាញខ្លួននៅមុខតុលាការនៅថ្ងៃទី១៩ ខែតុលា ខាងមុខនេះ និង មានពេលវេលា១០ថ្ងៃដើម្បីដាក់ពាក្យតវ៉ា៕

ប្រភព៖ marca