តិចច្រឡំគំនូរអីទៅ ផ្លូវជាតិលេខ៦៧ ខេត្តបន្ទាយស្រី ស្អាតមានរបៀបរៀបរយ - Khmerload

តិចច្រឡំគំនូរអីទៅ ផ្លូវជាតិលេខ៦៧ ខេត្តបន្ទាយស្រី ស្អាតមានរបៀបរៀបរយ

https://s9.kh1.co/c8/c8ee3018fac735caa8f582419afac44f9b4eca2d.jpg
សង្គម
 12-Oct-2021 4pm · 2 months ago

តាមផ្លូវជាតិលេខ៦៧ ស្រុកបន្ទាយស្រី ខេត្តសៀមរាប គឺកំពុងតែប្រែមុខមាត់ ឡើងសម្រស់ស្អាតទៅៗហើយ ដោយស្អាតភ្លឹងៗតែម្តងហើយ។

សៀមរាប​៖ នៅក្នុងពេលថ្មីៗនេះ តាមផ្លូវជាតិលេខ៦៧ ស្រុកបន្ទាយស្រី ខេត្តសៀមរាប គឺកំពុងតែប្រែមុខមាត់ ឡើងសម្រស់ស្អាតទៅៗហើយ ដោយមិនចាញ់រូបគំនូរគូរដោយវិចិត្រករដៃឯកប៉ុន្មាននោះឡើយ។

ដោយឡែក ថ្ងៃនេះ លោកអភិបាលស្រុកបន្ទាយស្រី​ ឃឹម​ ហ្វីណង់ បានជិតនៅតាមផ្លូវជាតិលេខ៦៧ ឃើញបងប្អូនអ្នកភូមិកំពុងនាំគ្នាកាប់ឆ្ការគម្ពោធព្រៃ និងដើមឈើដុះមិនមានរបៀបរៀបរយ ក៏ចុះសួរនាំនិងថ្លែងអំណរគុណពួកគាត់ ដែលបានចូលរួមដើម្បីភាពស្រស់ស្អាត និងលើកកម្ពស់សោភ័ណភាពនៃស្រុកបន្ទាយស្រី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ សូមបញ្ជាក់ថា សកម្មភាពទាំងនេះត្រូវបានគាំទ្រថវិកាដោយគម្រោងសាច់ប្រាក់ពលកម្ម ក្រោមកិច្ចសហប្រតិបត្តិការរវាងរដ្ឋបាលស្រុកបន្ទាយស្រី និងអង្គការGiz ក្នុងគោលបំណងផ្តល់ឱកាសដល់បងប្អូនប្រជាពលរដ្ឋដែលរងផលប៉ះពាល់ខាងផ្នែកសេដ្ឋកិច្ចពីការរីករាលដាលនៃជំងឺកូវីដ អាចទទួលបានប្រាក់ចំណូលខ្លះៗដើម្បីទ្រទ្រង់ជីវភាពរបស់ពួកគាត់ជំនួសឱ្យប្រាក់ចំណូលដែលបាត់បង់ ក៏ដូចជាដើម្បីលើកកម្ពស់ការងារបរិស្ថានល្អ និងភាពស្រស់ស្អាតនៅតាមដងផ្លូវ ឱ្យបានស័ក្តិសមជាស្រុកទេសចរណ៍ផងដែរ។ ប្រជាពលរដ្ឋប្រមាណ ១៥០គ្រួសារ ដែលសុទ្ធសឹងតែជាអ្នករស់នៅតាមកំណាត់ផ្លូវពីភូមិព្រះដាក់រហូតដល់ប្រាសាទបន្ទាយស្រីនឹងអាចរកបានចំណូលប្រមាណ ៣០០$ក្នុងមួយគ្រួសារ នៅពេលដែលគម្រោងរយៈពេល ៣ខែនេះត្រូវបានបញ្ចប់៕

សូមចូលទស្សនារូបភាពខាងក្រោម៖

https://s9.kh1.co/__image/w=650,h=433,q=100/6e/6ecc7de325ddbf1e22d909bd161f1a747eba8f18.jpg
ការកាប់ឆ្ការព្រៃនៅតាមចិញ្ជើមផ្លូវ
https://s9.kh1.co/__image/w=650,h=430,q=100/94/94c4c887055f1bb6ded4a06567045184781185bd.jpg
ការកាប់ឆ្ការព្រៃនៅតាមចិញ្ជើមផ្លូវ
https://s9.kh1.co/__image/w=650,h=448,q=100/86/86056c72d8382b0749262b14cdd50808e0cffa35.jpg
  លោកអភិបាលស្រុកបន្ទាយស្រី​ ឃឹម​ ហ្វីណង់ និងប្រជាពលរដ្ឋ
https://s9.kh1.co/__image/w=650,h=433,q=100/52/5274fdce0f6b7cddfe4595928505c4da0fad5f80.jpg
ទិដ្ឋភាពផ្លូវជាតិលេខ៦៧
https://s9.kh1.co/__image/w=650,h=433,q=100/05/05324d8392ef7b87bf357fe36bf3a409612d525d.jpg
ទិដ្ឋភាពផ្លូវជាតិលេខ៦៧
Ly Rothpanha
P.H

អត្ថបទទាក់ទង