ចិន៖ កាលពីថ្មីៗនេះ មានបុរសម្នាក់មិនត្រូវបានគេស្គាល់អត្តសញ្ញាណ និងជាអ្នកដំណើរលើរថភ្លើងមួយខ្សែនៅទីក្រុងប៉េកាំង ប្រទេសចិន ដែលគាត់បានពាក់នូវម៉ាស់ការពារពីជំងឺកូវីដ-១៩ជាច្រើនជាន់។ ហើយសកម្មភាពបែបនេះ បានបង្កឲ្យគេឯងមានការភ្ញាក់ផ្អើល និងអស់សំណើចយ៉ាងខ្លាំង រហូតដល់គេថតជាវីដេអូ និងយកទៅបង្ហោះចែកចាយនៅលើបណ្ដាញសង្គម Weibo ដោយមានអ្នកចុចចូលទស្សនាដល់ទៅ៤លានដងឯណោះ ក្នុងរយៈពេលត្រឹមតែ៥ម៉ោងប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ខណៈវីដេអូកំពុងទទួលបានភាពល្បីល្បាញ ក៏មានមហាជនមួយចំនួនបានសរសើរពីការចេះការពារខ្លួនរបស់គាត់ និងមួយចំនួនចំនួនទៀត បានបញ្ចេញមតិដោយលើកឡើងថា គាត់ធ្វើបែបនេះ អាចថប់ថង្ហើម និងខ្ជះខ្ជាយម៉ាស់ផងដែរ។ ហើយជាធម្មតាការពាក់ម៉ាស់ច្រើនជាន់បែបនេះ វាពិតជាធ្វើឲ្យមានការឈឺស្លឹកត្រចៀកយ៉ាងខ្លាំង និងមើលទៅក៏ការពារខ្លួនហួសហេតុពេកដែរ៕
ប្រភព: hype.my
សូមទស្សនារូបភាពនិងវីដេអូខាងក្រោម៖