ចិន៖ បុរសម្នាក់មាននាមត្រកូលហៅថា Tang អាយុ៤៦ឆ្នាំ បានទទួលរងនូវការឈឺក្បាលអស់រយៈពេល២សប្ដាហ៍ បន្ទាប់ពីញេចមុននៅត្រង់ចន្លោះបរិមាណច្រមុះ និងបបូរមាត់ ដែលទីបំផុតត្រូវបានគេបញ្ជូនទៅកាន់មន្ទីរពេទ្យមួយកន្លែង ស្ថិតក្នុងខេត្តហ៊ូណាន ប្រទេសចិន។
តួយ៉ាង បន្ទាប់ពីគេពិនិត្យរួចមក បានបង្ហាញឲ្យដឹងថា លោក Tang កំពុងមានជំងឺឆ្លងក្នុងខួរក្បាល ដោយមានអាប់សខួរក្បាលជាច្រើន និងមានខ្ទុះក្នុងខួរក្បាល ហើយតំបន់នេះបានឆ្លងមេរោគយ៉ាងធ្ងន់ធ្ងរ ដែលស្ថានភាពត្រូវបានគេចាត់ទុកថាធ្ងន់ធ្ងរ និងគំរាមកំហែងដល់ជីវិតផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនេះដែរ អ្នកជំងឺផ្ទាល់បាននិយាយរៀបរាប់ថា៖
មានមុនមួយគ្រាប់នៅលើមុខរបស់ខ្ញុំ ហើយខ្ញុំបានញេច ច្របាចប់វាចេញមកយ៉ាងស្រួល។ ខ្ញុំក៏ធ្លាប់បានច្របាច់វាពីមុនៗដែរ ដោយសារតែវារមាស់និងឈឺចាប់ ប៉ុន្ដែលើកនេះខុសប្លែកពីធម្មតាតែម្ដង។
យ៉ាងណាមិញ វេជ្ជបណ្ឌិត Zhou Gaoya ជាប្រធាននៃផ្នែកថែទាំបន្ទាន់នៃនាយកដ្ឋានប្រព័ន្ធប្រសាទរបស់មន្ទីរពេទ្យ Hunan Second People's Hospital បានលើកឡើងថា ផ្នែកត្រីកោណតំបន់ច្រមុះ និងបបូរមាត់ ជាតំបន់គ្រោះថ្នាក់នៃផ្ទៃមុខ ដែលមិនគួរធ្វើការញេចមុន ដោយគ្មានជំនាញឡើយ ព្រោះចរន្ដឈាមនៅលើផ្ទៃមុខសម្បូរណាស់ និងសរសៃឈាមដែលកន្ត្រាក់ឆ្លងកាត់តាមសាច់ដុំមុខផងដែរ ហើយនៅពេលសាច់ដុំដំណើរការ នោះឈាមអាចហូរចូលលលាដ៏ក្បាលវិញ៕
ប្រភព: Ladbible
សូមទស្សនារូបភាពខាងក្រោម៖
