ឥណ្ឌូណេស៊ី៖ យន្ដហោះប៊ូអ៊ីង ដែលគេធ្លាប់ប្រើសម្រាប់ដឹកអ្នកដំណើរឆ្លងកាត់ ហើយឥឡូវនេះបានចូលនិវត្តន៍ និងត្រូវបានកម្មករជាង១២នាក់ ប្រើប្រាស់ម៉ាស៊ីនស្ទូច យកទៅដាក់ទុំនៅកំពូលនៃច្រាំងសមុទ្រលើកោះបាលីកាលពីថ្មីៗនេះ ដើម្បីជាការទាក់ទាញភ្ញៀវទេសចរឲ្យមកលេងកម្សាន្តវិញ ក្រោយពីរងផលប៉ះពាល់ធ្ងន់ធ្ងរ ដោយសារជំងឺកូវីដ-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា លោក Felix Demin ជាម្ចាស់ថ្មីរបស់យន្ដហោះនេះ គ្រោងនឹងផ្លាស់ប្ដូរយន្ដហោះ ទៅជាកន្លែងស្នាក់នៅរបស់ភ្ញៀវទេសចរ និងរំពឹងទៀតថា វានឹងក្លាយជាកន្លែងថតរូបភាពដ៏ពេញនិយមមួយផងដែរ។ ហើយភាពទាក់ទាញ នឹងអាចជួយ ធ្វើឲ្យវិស័យទេសចរណ៍នៅតំបន់នេះងើបឡើងវិញ ចាប់តាំងពីព្រំដែនឥណ្ឌូណេស៊ី ត្រូវបានបិទមិនឲ្យភ្ញៀវទេសចរអន្ដរជាតិចូលក្នុងឆ្នាំ២០១៩ ដោយសារតែជំងឺរាតត្បាតកូវីដ-១៩។
ងាកទៅកាន់សហគ្រិនរុស្ស៊ី និងអ្នកស្រុកលើកោះបាលីបានរៀបរាប់ឲ្យដឹងដែរថា ដំបូងឡើយ យន្ដហោះនេះត្រូវបានរុះរើ និងលក់ជាដែកអេតចាយទៅកាន់ប្រទេសចិន ហើយវាបានចំណាយពេលមួយសប្ដាហ៍ ដើម្បីដឹកគ្រឿងបន្លាស់របស់យន្ដហោះ ទៅកាន់ច្រាំងថ្មចោទ បន្ទាប់ពីទទួលបានការអនុញ្ញាតឲ្យដាក់។
យ៉ាងណាមិញ ក៏មានមនុស្សមួយចំនួន បានបង្ហាញពីការព្រួយបារម្ភផងដែរ ដោយលើកឡើងថា ការយកយន្ដហោះទៅដាក់តាំងបែបនេះ អាចនឹងធ្វើឲ្យខូចទេសភាពមាត់សមុទ្រទៅវិញទេ ព្រោះវាហាក់ដូចជាកាត់បន្ថយភាពស្រស់ស្អាតតែម្ដង៕
ប្រភព: Yahoo
សូមទស្សនារូបភាពខាងក្រោម៖