អង់គ្លេស៖ ស្ត្រីម្នាក់ឈ្មោះថា Meggy Johnson អាយុ២៣ឆ្នាំ មកពីតំបន់ Lincolnshire ក្នុងប្រទេសអង់គ្លេស បានចំណាយប្រាក់៤,០០០ផោន (ប្រមាណ៥,៥០០ដុល្លារអាមេរិក) ទៅលើការកាត់ឈុតស្លៀកបំពាក់ឲ្យសត្វព្រាបដែលនាងបានជួយសង្គ្រោះ និងទទួលយកមកចិញ្ចឹមជាច្រើនក្បាល បូករួមទាំងចំណីអាហារប្រចាំថ្ងៃ និងរបស់របរផ្សេងៗទៀតផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយសត្វព្រាបទាំងអស់ ត្រូវបានដាក់ឲ្យហោះហើរមានសេរីនៅក្នុងផ្ទះ ដោយព្រាបខ្លះនៅក្នុងទ្រុង ដែលមាននូវប្រដាប់លេងជាច្រើនសម្រាប់ឲ្យពួកវាលេងបំបាត់ការអផ្សុក។
ស្ត្រីរូបនេះបានឲ្យដឹងដែរថា ពពួកសត្វព្រាប គឺជាសត្វចិញ្ចឹមដ៏អស្ចារ្យ ហើយពួកវាពិតជាសមនឹងទទួលបានឱកាសដូចសត្វចិញ្ចឹមដទៃទៀតដែរ។ ហើយពួកវាមាននូវឈុតសម្លៀកបំពាក់ជាច្រើន ដែលក្នុងមួយក្បាលមានប្រហែលជាង១៧ឈុតឯណោះ និងរៀបចំទុកដាក់យ៉ាងត្រឹមត្រូវក្នុងទូសម្លៀកបំពាក់។ ទន្ទឹមនឹងនេះដែរ នាងក៏បានឆ្លៀតពេលទំនេរ នាំពួកវាចេញទៅខាងក្រៅ ដើម្បីស្រូបយកខ្យល់អាកាសបរិសុទ្ធផងដែរ៕
ប្រភព: Daily Mail
សូមទស្សនារូបភាពនិងវីដេអូខាងក្រោម៖