ពលរដ្ឋអង់គ្លេសនាំគ្នាទៅបោះតង់ តែពេលត្រលប់ទៅផ្ទះវិញ អត់យកតង់ទៅជាមួយ និងបន្សល់ទុកសំរាមពាសពេញ (មានវីដេអូ) - Khmerload

ពលរដ្ឋអង់គ្លេសនាំគ្នាទៅបោះតង់ តែពេលត្រលប់ទៅផ្ទះវិញ អត់យកតង់ទៅជាមួយ និងបន្សល់ទុកសំរាមពាសពេញ (មានវីដេអូ)

https://s9.kh1.co/89/8919f5c125573614f34497efa1a60fcc3612ab70.jpg
ប្លែកៗ
 01-Sep-2021 9am · 3 months ago

ខាងសមាគមព្រឹត្តិការណ៍ឯករាជ្យ បានធ្វើការប៉ាន់ស្មានដែរថា តង់ចំនួន២៥០,០០០ ត្រូវបានទុកចោលនៅឯព្រឹត្តិការណ៍នានាទូទាំងចក្រភពអង់គ្លេស។

ចក្រអង់គ្លេស៖ ថ្មីៗនេះ មានឃ្លីបវីដេអូមួយបង្ហាញឲ្យឃើញពីទង្វើមិនគួរគប្បីរបស់ប្រជាពលរដ្ឋចក្រភពអង់គ្លេស ដែលបានទៅបោះតង់ក្នុងការប្រគំតន្ត្រីប្រចាំឆ្នាំ Reading Festival និងទុកតង់ចោលរាប់ពាន់តង់ រួមជាមួយសំរាមរាប់តោនពាសវាលពាសកាលយ៉ាងឥតសណ្ដាប់ធ្នាប់ ក្រោយពីព្រឹត្តិការណ៍បីថ្ងៃត្រូវបានបញ្ចប់កាលពីថ្ងៃអាទិត្យសប្ដាហ៍មុន។

តាមសម្ដីរបស់ក្រុមអ្នកការពារបរិស្ថានបាននិយាយថា តង់ក្នុងព្រឹត្តិការណ៍ដែលបោះចោល អាចបន្ថែមចំនួន៨៧៥តោនក្នុងការចាក់សំរាមនៅចក្រភពអង់គ្លេសជារៀងរាល់ឆ្នាំ ហើយវានឹងចំណាយពេលរហូតដល់ទៅ១០,០០០ឆ្នាំ ដើម្បីឲ្យវារលួយបាត់ទាំងស្រុងផងដែរ។ ទន្ទឺមនឹងនេះដែរ អ្នកគ្រប់គ្រងប្រកបដោយនិរន្តរភាពនៃព្រឹត្តិការណ៍បានបន្ថែមទៀតថា តង់ចំនួនមួយប៉ុណ្ណោះក្នុងចំណោមតង់ដប់ នឹងត្រូវបានយកទៅកែច្នៃឡើងវិញ ឬយកដោយអង្គការសប្បុរសធម៌។ ហើយតង់គឺជារបស់ដ៏អាក្រក់បំផុត ដែលគេព្យាយាមយកទៅកែច្នៃឡើងវិញ។ ជារៀងរាល់ឆ្នាំ ក្រោយពីព្រឹត្តិការណ៍បញ្ចប់ទៅបានពីរទៅបីថ្ងៃ ខាងក្រុមអ្នកជួយសង្គ្រោះ នឹងមកប្រមូលរបស់ដែលអាចយកបាន ដើម្បីបរិច្ចាគទៅកាន់អង្គការសប្បុរសធម៌គ្មានផ្ទះសម្បែង និងខាងផ្គត់ផ្គង់ស្បៀងអាហារជាដើម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ខាងសមាគមព្រឹត្តិការណ៍ឯករាជ្យ បានធ្វើការប៉ាន់ស្មានដែរថា តង់ចំនួន២៥០,០០០ ត្រូវបានទុកចោលនៅឯព្រឹត្តិការណ៍នានាទូទាំងចក្រភពអង់គ្លេស ដែលភាគច្រើនគេយកទៅចាក់ចោលនៅតំបន់គំនរសំរាម ហើយជុំវិញទង្វើរបស់ប្រជាពលរដ្ឋខាងលើនេះ ក៏ត្រូវបានគេចាត់ទុកថា ជាអាកប្បកិរិយាខ្ចិលច្រអូស និងគួរឲ្យស្អប់ខ្ពើមបំផុតផងដែរ៕

ប្រភព: Daily Mail

សូមទស្សនារូបភាពនិងវីដេអូខាងក្រោម៖

https://s9.kh1.co/__image/w=650,h=405,q=100/b1/b1b665168bbbc10a4201bcfc49fdd8a76e0c2539.png
រូបភាព
https://s9.kh1.co/__image/w=650,h=360,q=100/1b/1b1a8a9035f0ea3679689d72167e0d4c7564039f.png
រូបភាព
https://s9.kh1.co/__image/w=650,h=360,q=100/56/569c01c41a180edb1d303f27706db115346073a7.png
រូបភាព
https://s9.kh1.co/__image/w=650,h=408,q=100/ac/acdcf53ff128504248f7129bb8f74eb368e6e8ed.png
រូបភាព
https://s9.kh1.co/__image/w=650,h=388,q=100/2f/2fbd1ff4836a33586b839e1f9d83fadf25a49ff0.png
រូបភាព
https://s9.kh1.co/__image/w=650,h=360,q=100/56/569c01c41a180edb1d303f27706db115346073a7.png
រូបភាព
https://s9.kh1.co/__image/w=650,h=403,q=100/c5/c590673668451368e7c95c5f2c4a946545ed18d4.png
រូបភាព
https://s9.kh1.co/__image/w=650,h=373,q=100/7a/7a3474c7bb22cc6b1caaa9b11d34c7e78809e73b.png
រូបភាព
https://s9.kh1.co/__image/w=650,h=350,q=100/7c/7cd0b0fe9edd6ce34b7636e5f4f5be6671811171.png
រូបភាព
វីដេអូ
វីដេអូ
Meas Chandara
D.R

អត្ថបទទាក់ទង