បុរសចិនម្នាក់ យកកាក់មកទិញឡាន ធ្វើឲ្យបុគ្គលិកនាំគ្នាអង្គុយរាប់ជាង៣ម៉ោង (មានវីដេអូ)

ចិន៖ បុរសម្នាក់ មិនត្រូវបានគេបញ្ចេញអត្តសញ្ញាណ មកពីខេត្ត Henan នៃប្រទេសចិន បានទិញរថយន្ដមួយគ្រឿងចេញពីហាងមួយកន្លែង កាលពីថ្មីៗនេះ ដោយប្រគល់ជាកាក់ ដែលសរុបជាទឹកប្រាក់ចំនួន៥១,០០០យ័ន (ប្រមាណ៧,៨៦៦ដុល្លារអាមេរិក)។

អ្នកនាង Chen ជាបុគ្គលិករបស់ហាងលក់រថយន្ដ បានឲ្យដឹងថា បុរសដែលទិញរថយន្ដ ជាអ្នកប្រកបអាវីកម្មម្សៅ និងបាននាំយកបាវតូចៗចំនូន១០ ដែលពោរពេញទៅដោយកាក់មកទិញរថយន្ដមួយគ្រឿងសម្រាប់កូនប្រុសរបស់គាត់។ ហើយមានបុគ្គលិកចំនួន២០នាក់ បានអង្គុយរាប់កាក់ម្ដងមួយៗ ដោយចំណាយអស់​រយៈជាង៣ម៉ោងឯណោះ។

យ៉ាងណាមិញ ក្រោយពីវីដេអូដែលបង្ហាញឲ្យឃើញពីសកម្មភាពបុគ្គលិកព្យាយាមរាប់កាក់ ត្រូវបានបង្ហោះចែកចាយនៅលើបណ្ដាញសង្គមរួមមក មានមហាជនមួយចំនួនបានកោតសរសើរចំពោះហាងលក់រថយន្ដ ដែលស្ម័គ្រចិត្តរាប់កាក់ និងមានអ្នកខ្លះទៀតបាន លើកឡើងថា ហេតុអ្វីមិនព្រមប្រើម៉ាស៊ីនរាប់កាក់នៅឯធនាគារ៕

ប្រភព: Worldofbuzz

សូមទស្សនារូបភាពនិងវីដេអូខាងក្រោម៖