បរទេស៖ ព្រះអង្គម្ចាស់ឆាល និងព្រះនាងដាយអាណា បានរៀបអភិសេកកាលពីថ្ងៃទី២៩ ខែកក្កដា ឆ្នាំ១៩៨១ ហើយរយៈពេល៤០ឆ្នាំក្រោយមកនេះ នំខេកអភិសេករបស់ទ្រង់ទាំងពីរអង្គ បានដាក់លក់ដេញថ្លៃបានតម្លៃដល់ទៅ២.៥២០ដុល្លារអាមេរិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា មានអ្នកដេញថ្លៃជាច្រើនមកពីចក្រភពអង់គ្លេស សហរដ្ឋអាមេរិក និងអ្នកផ្សេងទៀតមកពីមជ្ឈឹមបូព៌ា បានបង្ហាញការចំណាប់អារម្មណ៍ជាខ្លាំងទៅលើនំខេក។ ហើយនំខេកនេះដែរ គេមិនបានរំពឹងថាវាអាចលក់ដាច់ក្នុងតម្លៃខ្ពស់ឡើយ ដោយគិតថាអាចបានតម្លៃត្រឹមតែប្រមាណ៦៨០ដុល្លារអាមេរិកប៉ុណ្ណោះ។
យ៉ាងណាមិញ អ្នកឈ្នះការដេញថ្លៃបានទៅលើលោក Chris Albury ហើយគាត់នឹងរក្សាទុកនំខេកនេះ ជាទ្រព្យសម្បត្តិរបស់គាត់ គឺដើម្បីធ្វើជាសប្បុរសធម៌បន្ទាប់ពីគាត់ទទួលមរណភាពផងដែរ៕
ប្រភព: Worldofbuzz
សូមទស្សនារូបភាពខាងក្រោម៖