ឥណ្ឌា៖ ស្ត្រីម្នាក់រស់នៅក្នុងស្រុក Praksam នៃប្រទេសឥណ្ឌា បានចំណាយប្រាក់សាងសង់វិហារតូចមួយ និងសង់រូបសំណាក់ប្ដីរបស់គាត់ ក្រោយពីប្ដីបានស្លាប់បាត់បង់ជីវិត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា អ្នកស្រី Padmavathi បានបាត់បង់ប្ដីរបស់គាត់ដោយសារគ្រោះថ្នាក់ចរាចរណ៍កាលពីឆ្នាំ២០១៧កន្លងទៅ ហើយគំនិតនៃការសាងសង់វិហារនេះ គឺបំផុសឡើងដោយព្រលឹងប្ដីរបស់គាត់ផ្ទាល់ ដែលបានចូលមកក្នុងសុបិនគាត់ និងសុំឲ្យសាងសង់វិហារមួយ។ តួយ៉ាង នៅចុងសប្ដាហ៍ និងយប់ដែលមានព្រះចន្ទពេញបូណ៌មី គាត់តែងតែធ្វើការអធិស្ឋានជាពិសេស និងចែកចាយអាហារដល់អ្នកស្រុក ក្រោមឈ្មោះដឹកនាំដោយប្ដីរបស់គាត់ផ្ទាល់តែម្ដង។
យ៉ាងណាមិញ ក្រោយពីមានវីដេអូមួយ ដែលបង្ហាញឲ្យឃើញពីគាត់គោរព បួងសួងរូបសំណាក់ប្ដីក្នុងវិហារមក បានបង្កឲ្យមានភាពល្បីល្បាញយ៉ាងខ្លាំង ដែលគេបានកោតសរសើរថា គាត់ពិតជាមានក្ដីស្រលាញ់ និងការលះបង់ជាខ្លាំងចំពោះប្ដី បើទោះជាប្ដីបានស្លាប់បាត់ទៅក៏ពិតមែន។ ហើយបន្ថែមពីនេះទៀត ក៏មានអ្នកស្រុក នាំគ្នាទៅគោរព បួងសួងសុំសេចក្ដីសុខពីរូបសំណាក់ប្ដីគាត់ជារើយៗផងដែរ៕
ប្រភព: Odditycentral
សូមទស្សនារូបភាពនិងវីដេអូខាងក្រោម៖