ពណ៌ណាក្ដៅជាងគេ? ជប៉ុនយកអាវចម្រុះពណ៌មកហាលថ្ងៃ ដើម្បីពិសោធន៍ថាពណ៌មួយណាធ្វើឲ្យពាក់ទៅត្រជាក់នៅរដូវក្ដៅ - Khmerload

ពណ៌ណាក្ដៅជាងគេ? ជប៉ុនយកអាវចម្រុះពណ៌មកហាលថ្ងៃ ដើម្បីពិសោធន៍ថាពណ៌មួយណាធ្វើឲ្យពាក់ទៅត្រជាក់នៅរដូវក្ដៅ

https://s9.kh1.co/07/07f3ce52f7e7adaa431af3a74d81490621fd6f5e.jpg
ប្លែកៗ
 16-Aug-2021 9am · 4 months ago

លោក Toshiaki Ichinose ជាអ្នកស្រាវជ្រាវជាន់ខ្ពស់នៅវិទ្យាស្ថានជាតិ បរិស្ថានរបស់ប្រទេសជប៉ុន បានធ្វើការពិសោធន៍លើពណ៌អាវចំនួន៩។

ជប៉ុន៖ ថ្មីៗនេះ លោក Toshiaki Ichinose ជាអ្នកស្រាវជ្រាវជាន់ខ្ពស់នៅវិទ្យាស្ថានជាតិ បរិស្ថានរបស់ប្រទេសជប៉ុន បានធ្វើការពិសោធន៍ ដើម្បីវាស់ស្ទង់ថា តើពណ៌នៃអាវមួយណាដែលជួយឲ្យរាងកាយរបស់អ្នកពាក់ មានភាពត្រជាក់បំផុតក្រោមពន្លឺព្រះអាទិត្យ។

ទន្ទឹមនឹងនេះដែរ គាត់បានយកអាវប៉ូឡូចំនួន៩ពណ៌ ដែលមានពណ៌ដូចជា ក្រហម ស ខៀវ បៃតងចាស់ ប្រផេះ ខ្មៅ ស្វាយ លឿង និងត្រួយចេកខ្ចី ទៅដាក់ហាលថ្ងៃចោល និងត្រួតពិនិត្យតាមរយៈកាមេរ៉ាកម្ដៅរយៈពេល៥នាទី។ ហើយជាលទ្ធផលបានរកឃើញថា ពណ៌អាវដែលត្រជាក់ជាងគេគឺពណ៌ស បន្ទាប់មកពណ៌លឿង ប្រផេះ ក្រហម ស្វាយ ខៀវ ត្រួយចេកខ្ចី បៃតងចាស់ និងចុងក្រោយគេ គឺពណ៌ខ្មៅ។ យ៉ាងណាមិញ ចំពោះអាវពណ៌សមានសីតុណ្ហភាពត្រឹមតែ៣០អង្សារសេប៉ុណ្ណោះ តែអាវពណ៌បៃតងចាស់ និងខ្មៅលើសពី៥០អង្សារសេឯណោះ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រភព: hypebeast

សូមទស្សនារូបភាពខាងក្រោម៖

https://s9.kh1.co/__image/w=640,h=338,q=100/de/de5cf0e199b8768f13303fc826adf5596827fe56.jpg
រូបភាព
https://s9.kh1.co/__image/w=650,h=355,q=100/dd/dd7e905b38fa896561b0ecd678c220c799d22684.png
រូបភាព
Meas Chandara
D.R

អត្ថបទទាក់ទង