បុរសនេះ ខំជិះម៉ូតូចម្ងាយ២៣៦គីឡូម៉ែត្រ ដើម្បីជួបនារីដែលលេងហ្គេមអនឡាញជាមួយគ្នា តែចុងក្រោយបានត្រឹមទឹកភ្នែក (មានវីដេអូ) - Khmerload

បុរសនេះ ខំជិះម៉ូតូចម្ងាយ២៣៦គីឡូម៉ែត្រ ដើម្បីជួបនារីដែលលេងហ្គេមអនឡាញជាមួយគ្នា តែចុងក្រោយបានត្រឹមទឹកភ្នែក (មានវីដេអូ)

https://s9.kh1.co/31/3123abbe7641107c58c8c2ec7ca3a343883ab420.jpg
ប្លែកៗ
 15-Aug-2021 9am · 4 months ago

គាត់ស្រលាញ់និងស្និទ្ធស្នាលជាមួយនារីម្នាក់ តាម​រយៈការលេងហ្គេមអនឡាញ Mobile Legend។

ឥណ្ឌូណេស៊ី៖ មហាជនអ្នកប្រើប្រាស់បណ្ដាញសង្គម បានសម្ដែងការអាណិតអាសូរ និងហួសចិត្ត ជុំវិញវីដេអូឃ្លីបមួយ ដែលថតបង្ហោះចែកចាយនូវសកម្មភាព បុរសម្នាក់ ស្រក់ទឹកភ្នែក ក្រោយពីនារីដែលគាត់លង់ស្រលាញ់ បដិសេធនឹងក្ដីស្រលាញ់របស់គាត់។

វីដេអូឃ្លីបនេះ ត្រូវបានថតឡើងដោយពលរដ្ឋម្នាក់ ដែលបានឃើញនូវហេតុការណ៍ ហើយយកទៅបង្ហោះចែកចាយដោយទទួលបានចាប់អារម្មណ៍យ៉ាងខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង តាមរយៈ​វីដេអូឃ្លីប បង្ហាញឲ្យឃើញថា បុរសរូបនេះ បានកំពុងអង្គុយយំនៅខាងមុខហាងមួយកន្លែង ដែលមានមនុស្សម្នានៅជុំវិញខ្លួនគាត់ដើម្បីសួរនាំ។ ទន្ទឹមនឹងនេះដែរ មានម្នាក់បានហុចទឹកឲ្យគាត់ផឹក ជាការសម្រួលអារម្មណ៍ និងសំនួរមួយបានចោទសួរឡើងថា “នាងហៅលោកថាជាមនុស្សអាក្រក់មែនទេ?”។ ឮដូច្នេះ គាត់ក៏បានបន្ដការយំ និងងក់ក្បាល ហើយតបទៅវិញថា “បាទ”

តួយ៉ាង ម្ចាស់វីដេអូឃ្លីប បានឲ្យដឹងដែរថា បុរសរូបនេះ បានជិះម៉ូតូពីទីក្រុង Pekanbaru មកកាន់ទីក្រុង Padang Panjang ដែលមានចម្ងាយ២៣៦គីឡូម៉ែត្រ ដោយសង្ឃឹមថានារីដែលគាត់ស្រលាញ់និងស្និទ្ធស្នាលជាមួយតាម​រយៈការលេងហ្គេមអនឡាញ Mobile Legend ព្រមទទួលការស្រលាញ់របស់គាត់ តែផ្ទុយទៅវិញ នាងបែរជាបដិសេធ៕

ប្រភព: Mothership

សូមទស្សនារូបភាពនិងវីដេអូខាងក្រោម៖

https://s9.kh1.co/__image/w=466,h=527,q=100/23/231ddf639aa7fba2ea3527c5a12aa04e63c6ce35.png
រូបភាព
https://s9.kh1.co/__image/w=650,h=342,q=100/d5/d5d86f900e72907b513a5fb486ce347cd4da9faf.jpg
រូបភាព
វីដេអូ
Meas Chandara
D.R

អត្ថបទទាក់ទង