ស៊ីប៖ វិចិត្រករម្នាក់ឈ្មោះថា Jason deCaires Taylor បានធ្វើឲ្យមានការភ្ញាក់ផ្អើលយ៉ាងខ្លាំងនៅក្នុងពិភពសិល្បៈម្តងទៀត ដែលលើកនេះគាត់បានបង្កើតព្រៃក្រោមទឹក នៅឯនាយឆ្នេរនៃរីស៊ត Ayia Napa ក្នុងប្រទេសស៊ីប។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសារមន្ទីរព្រៃក្រោមទឹក ត្រូវបានគេដាក់ឈ្មោះឲ្យថា Ayia Napa (Musan) ដែលមានរូបចម្លាក់ចំនួន៩៣ និងដាក់នៅលើបាតសមុទ្រ ហើយការតាំងពិព័រនេះ ធ្វើឡើងដោយមានថវិកាចំនួនប្រមាណ១,១៧០,៧០០ដុល្លារអាមេរិក និងរួមសហការជាមួយរដ្ឋាភិបាលប្រទេសស៊ីប ដោយបើកដំណើរការកាលពីខែមុន ដែលមានក្រុមអ្នកមុជទឹក អញ្ជើញទៅស្វែងយល់ពីអ្វីៗនៅខាងក្រោមផងដែរ។
យោងតាមសេចក្ដីថ្លែងការណ៍មួយបាននិយាយថា រូបចម្លាក់ទាំងអស់ត្រូវបានរចនា និងផលិតឡើងដោយវត្ថុធាតុដើម ដែលមិនប៉ះពាល់ដល់ជីវិតសត្វក្នុងទឹកឡើយ ហើយត្រូវបានគេដាក់នៅជម្រៅខុសៗគ្នា ដូច្នេះវាបង្កើតជាស្រទាប់ខាងក្រោមសមស្របសម្រាប់ជីវិតសត្វសមុទ្រនៅគ្រប់កម្រិត។
យ៉ាងណាមិញ គេក៏សង្ឃឹមដែរថា រូបចម្លាក់ នឹងក្លាយជាជម្រកសម្រាប់សត្វសមុទ្រ ព្រោះវាជាតំបន់ដីខ្សាច់ ហើយជីវៈចម្រុះនៃតំបន់នេះនឹងកាន់តែសម្បូរបែប ដោយសារតែសារមន្ទីរក្រោមទឹក៕
ប្រភព: Daily Mail
សូមទស្សនារូបភាពនិងវីដេអូខាងក្រោម៖