សេណេហ្គាល់៖ កាលពីប៉ុន្មានថ្ងៃមុននេះ អាជ្ញាធរក្នុងតំបន់ បានចាប់ខ្លួនបុរសសញ្ជាតិសេណេហ្គាល់ម្នាក់ បន្ទាប់ពីគាត់បានតុបតែងខ្លួនជាមនុស្សស្រី ដើម្បីបន្លំខ្លួនចូលទៅប្រលងថ្នាក់វិទ្យាល័យ ជំនួសមិត្តស្រីរបស់គាត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា លោក Khadim Mboup អាយុ២២ឆ្នាំ សព្វថ្ងៃជានិស្សិត និងត្រូវបានគេចាប់ខ្លួននៅថ្ងៃទី៣នៃការប្រលងថ្នាក់វិទ្យាល័យ បន្ទាប់ពីគេសង្កេតឃើញថា ការស្លៀកពាក់របស់គាត់ហាក់មានភាពមិនប្រក្រតី។ ទន្ទឹមនឹងនេះដែរ គាត់បានសារភាពថា គាត់បានរៀបចំប្រលងភាសាអង់គ្លេសជំនួសមិត្តស្រី ដោយសារតែនាងមិនពូកែមុខវិជ្ជាភាសាអង់គ្លេសឡើយ ហើយគាត់ធ្វើនេះ គឺធ្វើចេញពីសេចក្ដីស្រលាញ់។
យ៉ាងណាមិញ ចំពោះទង្វើបែបនេះ ត្រូវបានគេចោទប្រកាន់ពីបទលួចបន្លំអត្តសញ្ញាណ និងក្លែងបន្លំការប្រលង ដូច្នេះបុរសខាងលើ រួមទាំងមិត្តស្រីរបស់គាត់ នឹងត្រូវផ្ដន្ទាទោសឲ្យជាប់ពន្ធនាគារផងដែរ៕
ប្រភព: philnews
សូមទស្សនារូបភាពខាងក្រោម៖