ស្រស់ដូចផ្កា ស៊ីន យូប៊ីន មកលើកនេះ ចាយសម្រស់លក្ខណៈសុភាពៗ

ភ្នំពេញ៖ តារាសម្ដែងដ៏មានទេពកោសល្យជំនាញក្នុងវិស័យសិល្បៈ ស៊ីន យូប៊ីន តែងតែបង្ហាញនូវសម្រស់ស្រស់ស្អាតទាក់ទាញ។ នាងជាតារាសម្ដែងស្រីម្នាក់ដែលទទួលបានការស្រលាញ់គាំទ្រជាខ្លាំងពីសំណាក់មហាជនជាច្រើន ជាពិសេសយុវវ័យតែម្ដង។ 

យូប៊ីន ជាតារាស្រីដែលពូកែខាងសម្ដែង នាងតែងតែគ្រងតំណែងជាតួឯកស្រីគ្រប់ខ្សែភាពយន្ដទាំងអស់ដែលនាងបានចូលរួមសម្ដែង។ មិនតែប៉ុណ្ណោះ យូប៊ីន មានសមត្ថភាពល្អមិនថាដើរតួកាចឬស្លូតនោះទេគឺធ្វើបានទាំងអស់ ហើយថែមទាំងត្រូវចិត្តទស្សនិកជនទៀតផង។

ក្រៅពីការងារជាអ្នកសម្ដែងលំដាប់កំពូលហើយ យូប៊ីន ក៏ជាតារាបង្ហាញម៉ូតដ៏ជំនាញមួយរូបផងដែរ។ លើសពីនោះ នាងតែងតែថតរូបស្អាតៗបង្ហោះនៅក្នុងគណនីបណ្ដាញសង្គមផ្ទាល់ ដើម្បីបង្ហាញពីសុខទុក្ខដល់អ្នកគាំទ្រដែលនឹករលឹកជានិច្ច។ 

ថ្មីៗនេះ យូប៊ីន បានបង្ហាញខ្លួនជាមួយនឹងការតែងខ្លួនបែបសុភាព ពាក់រ៉ូបពណ៌ផ្កាឈូក ស្បែកជើងប៉ាតាពណ៌ស ផាត់មុខធម្មជាតិៗ អង្គុយជិតផ្កា ពិតជាស្អាតឥតខ្ចោះ។ ហ្វេនៗនាំគ្នាសរសើមិនដាច់ពីមាត់ថា​ យូប៊ីន តែងខ្លួនយ៉ាងម៉េចក៏ចេញមកស្អាតដែរ៕