ចាកចេញចុះ! Chelsea បានយល់ព្រមហើយ ក្នុងការផ្ទេរខ្សែប្រយុទ្ធរបស់ខ្លួនម្នាក់នេះឱ្យទៅក្រុម Arsenal

បរទេស៖ តាមសេចក្តីរាយការណ៍បានឱ្យដឹងថា ក្លិប Chelsea នឹងអនុញ្ញាតឱ្យក្រុម Arsenal ចុះកុងត្រាយកកីឡាករ Tammy Abraham ក្នុងលក្ខខណ្ឌខ្ចីជើងនៅរដូវក្តៅនេះ។

ជាការពិតណាស់ ក្រុមម្ចាស់ជើងឯក Champions League កំពុងសម្លឹងរកទីផ្សារដើម្បីលក់ Abraham ចេញ ប៉ុន្តែត្រូវបានជាប់គាំងក្រោយពួកគេដាក់តម្លៃផ្ទេរប្រមាណជា ៤០ លានផោន ឬស្មើរនឹង (៥៥ លានដុល្លាអាមេរិក)។

ប៉ុន្តែកាលពីសប្តាហ៍មុនមានរបាយការណ៍មួយបានអះអាងថា ក្លិប Arsenal កំពុងតែនាំមុខគេក្នុងការចូលប្រជែងយក Abraham, ស្របពេលដែលកីឡាករសញ្ជាតិ អង់គ្លេស រូបនេះក៏ធ្លាប់ជាអ្នកគាំទ្រដ៏ងប់ងល់របស់ក្រុម កាំភ្លើងធំ កាលពីនៅក្មេងផងដែរ ហើយម្យ៉ាងទៀតគាត់ក៏ជាអ្នកគាំទ្រម្នាក់របស់ជើងចាស់ Thierry Henry ដូចគ្នា។

យោងតាមការចុះផ្សាយរបស់ការសែត The Sun បានឱ្យដឹងថា ក្លិប Chelsea នឹងបើកភ្លើងខៀវ ឱ្យ Abraham ចាកចេញពីទឹកដី Stamford Bridge ក្នុងលក្ខខណ្ឌខ្ចីជើងនៅរដូវក្តៅនេះ ដោយអមជាមួយជម្រើសទិញផ្តាច់ក្នុងតម្លៃប្រមាណជា ៤០ លានផោន ឬស្មើនឹង (៥៥ លានដុល្លាអាមេរិក) ប្រសិនបើខ្សែប្រយុទ្ធរូបនេះអាចបង្ហាញខ្លួនបានគ្រប់តាមលក្ខខណ្ឌកំណត់៕

ប្រភព៖ Metro