ភ្នំពេញ៖ បន្ទាប់ពីបានសាងគ្រួសាររួចមក ក្រឡេកឃើញថា តារាសម្ដែង និងជាពិធីការិនីដ៏មានប្រជាប្រិយភាព អ្នកនាង គង់ ចាន់ស្រីមុំ កាន់តែមានជីវិតរស់នៅយ៉ាងស្រស់បំព្រងជាមួយនឹងស្វាមី លោក គឹម សីហា ដែលតែងតែចេញមកបង្ហាញពីសកម្មភាពដ៏រីករាយមិនចេះដាច់នៅលើបណ្ដាញសង្គម ឲ្យហ្វេនៗជាច្រើនបានទស្សនាកម្សាន្ត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលសំខាន់នោះគឺ បច្ចុប្បន្ននេះ ជីវិតប្ដីប្រពន្ធរបស់នាង និងស្វាមី ថែមទាំងទទួលបានចំណងស្នេហ៍យ៉ាងមុតមាំ ដែលជាកូនស្រីតូចមុខមាត់គួរឲ្យស្រលាញ់ម្នាក់ មានឈ្មោះថា គឹម សីហ៍មរកត ហៅ ម៉ូម៉ូ មកបំពេញជីវិតគ្រួសារយ៉ាងពេញលេញពោរពេញដោយសុភមង្គល ថែមទៀតផង។
ដោយឡែក នៅក្នុងឆ្នាំនេះផ្ទាល់ កូនស្រីតូចរបស់អ្នកទាំងពីរ មានអាយុ ៣ ឆ្នាំហើយ ដែលកាលពីថ្មីៗនេះ រូបនាងនិងស្វាមី ក៏បានរៀបចំពិធី សូត្រមន្តឲ្យពរជ័យនៅក្នុងថ្ងៃកំណើតកូនស្រី ដែលជាមានការរៀបចំជាលក្ខណៈគ្រួសារផងដែរ។
ប៉ុន្តែអ្វីដែលគួរឲ្យចាប់អារម្មណ៍ជាងនេះ អ្នកនាង គង់ ចាន់ស្រីមុំ បានបើកបង្ហាញឲ្យឃើញពីពិធីជប់លៀងអបអរខួបកំណើតកូនស្រីគម្រប់ ៣ ឆ្នាំ ដែលមានការរៀបចំយ៉ាងស្រស់ស្អាត មានរូបភាពតុក្កតា ប៉េងប៉ោង ជាពិសេស រូបនាងព្រមទាំងស្វាមី ថែមទាំងបានរៀបចំខ្លួនយ៉ាងឆើតឆាយ ដែលធ្វើឲ្យអ្នកគាំទ្រជាច្រើនពោលពាក្យសរសើរពីការៀបចំពិធីយ៉ាងកក់ក្ដៅនៅក្នុងគ្រួសាររបស់នាង ផងដែរ៕
សូមទស្សនារូបភាពខាងក្រោម៖