Tack Pharunyoo ស្ម័គ្រចិត្តចូលរួមក្នុងការជួយសង្គ្រោះ ក្រោយពីមានហេតុការណ៍ភ្លើងឆេះរោងចក្រ

ថៃ៖ ដូចដែលបានជ្រាបស្រាប់ហើយថា កាលពីថ្ងៃទី ៥ ខែកក្កដា ឆ្នាំ២០២១ ម្សិលមិញនេះ មានរឿងដ៏រន្ធត់ នៅក្នុងករណីអគ្គិភ័យឆាបឆេះរោងចក្រប្លាស្ទិកមួយនៅក្នុងខេត្តសាមុតប្រាកាន ដែលជាហេតុធ្វើឲ្យមានការជម្លៀសប្រជាជនចេញពីតំបន់នោះភ្លាមៗ ជៀសវាងទទួលរងនូវគ្រោះថ្នាក់។

យ៉ាងណាមិញ បន្ទាប់ពីមានហេតុការណ៍កើតឡើង តារាសម្តែងដ៏ល្បីឈ្មោះ លោក Tack Pharunyoo បានទៅធ្វើការជាអ្នកស្ម័គ្រចិត្ត និងធ្វើដំណើរទៅកាន់តំបន់នោះ ដើម្បីជួយសង្គ្រោះ ថែមទៀតផង។ 

ជាពិសេស តារាប្រុសរូបនេះ បានបង្ហោះរូបភាពជាមួយនឹងសារអរគុណ ទៅដល់អ្នកស្ម័គ្រចិត្តទាំងឡាយដែលបានចូលរួមជួយគ្នានៅពេលអាសន្នមួយនេះ ហើយថែមទាំងបានបញ្ជាក់ថា បើទោះបីជាភ្លើងបានរលត់ក៏ដោយ តែការងារមួយនេះនៅមិនទាន់ចប់នៅឡើយនោះទេ។ 

ក្រោយពីបានឃើញបែបនេះ បណ្ដាមិត្តៗនៅក្នុងសិល្បៈកម្សាន្ត និងអ្នកគាំទ្រ បានចូលមកសរសើរ​ចំពោះទឹកចិត្តដ៏ប្រពៃរបស់លោក ដែលបានស្ម័គ្រចិត្តជួយក្នុងគ្រាមានអាសន្ននេះ៕ 

ប្រភព៖ Sanook

សូមទស្សនារូបភាពខាងក្រោម៖