នេះបានហៅថា “តាហ្សង់” ក្នុងជីវិតពិត អាយុជាង៤០ឆ្នាំហើយ មិនដែលដឹងទេថា “មនុស្សស្រី” យ៉ាងម៉េច

វៀតណាម៖ បុរសម្នាក់ ត្រូវបានគេដាក់រហស្សនាមឲ្យថា តាហ្សង់ (បុរសរស់នៅព្រៃភ្នំ) បន្ទាប់ពីគាត់បានរស់នៅក្នុងព្រៃអស់​រយៈពេល៤១ឆ្នាំមកនេះ ហើយមិនដែលយល់ដឹងទេថា មនុស្សស្រីយ៉ាងម៉េច។

នៅក្នុងវីដេអូឯកសារមួយបានឲ្យដឹងថា បុរសរូបនេះមានឈ្មោះថា Hovan Lang បានរស់នៅក្នុងព្រៃមួយនៃខេត្ត Quang Ngai ប្រទេសវៀតណាម ជាមួយនឹងឪពុក ព្រមទាំងបងប្រុសរបស់គាត់។ កាលពីឆ្នាំ១៩៧២ ឪពុករបស់គាត់បានភៀសខ្លួនចេញពីសង្គមទំនើប នៅពេលដែលប្រពន្ធ ត្រូវបានសម្លាប់ដោយការវាយប្រហារតាមអាកាសរបស់សហរដ្ឋអាមេរិកក្នុងអំឡុងសង្គ្រាមវៀតណាម។ ហើយក្រោយមក ការរស់នៅក៏ចាប់ផ្ដើមផ្លាស់ប្ដូរ ដោយរស់នៅពឹងផ្អែកលើផ្លែឈើ ទឹកឃ្មុំ កណ្ដុរ ពស់ ស្វា និងកង្កែបជាដើម។ ហើយប្រហែលជា៨ឆ្នាំមុន ទាំងបីនាក់ឪពុកកូន ត្រូវបានគេជួយសង្គ្រោះ និងនាំយកទៅកាន់ភូមិមួយដែលមានមនុស្សរស់នៅ រួមទាំងមានស្ត្រីផងដែរ។

យោងតាមលោក Alvaro Cerezo ដែលជាអ្នកតាមដានជីវិតរបស់ក្រុមគ្រួសារខាងលើ បាននិយាយរៀបរាប់ថា៖

យ៉ាងណាមិញ លោក Lang ត្រូវបានគេចាត់ទុកថា ជាកូនក្មេងនៅក្នុងរាងកាយរបស់មនុស្សចាស់ ដោយសារតែគាត់មិនដឹងអ្វីល្អឬអាក្រក់ទេ ប្រសិនបើបញ្ជាឲ្យវ៉ៃនរណាម្នាក់ នោះគាត់នឹងធ្វើភ្លាមៗតែម្ដង៕

សូមទស្សនារូបភាពខាងក្រោម៖

ប្រភព: ladbible