រតនៈគិរី៖ តំបន់ព្រៃភ្នំធម្មជាតិដែលមនុស្សគ្រប់គ្នាប្រាថ្នាចង់ទៅលេងកន្សាន្ត ឧទ្យានជាតិវីរៈជ័យ កំពុងតែបង្ហាញសម្រស់វាលពណ៌បៃតងដ៏ធំល្វើងល្វើយ ទាក់ទាញភ្ញៀវទេសចរណ៍។ តំបន់វាលធំ ឧទ្យានជាតិវីរៈជ័យ មានទេសភាពស្រស់ស្អាតរុំព័ត្រទៅដោយវាលស្មៅខៀវខ្ចី ដែលដុះយ៉ាងស្រស់បំព្រងនៅលើភ្នំ បើអ្នកណាបានទៅលេងហើយ ប្រាកដជាមិនដាច់ចិត្តត្រឡប់ទៅវិញទេ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរូបភាពពី៖ Learn more
ឧទ្យានជាតិវិរៈជ័យ មានទីតាំងនៅភាគឦសានប្រទេសកម្ពុជាលាតសន្ធឹងគ្របដណ្តប់ខេត្តរតនៈគិរី និង ស្ទឹងត្រែង។ ឧទ្យាននេះមានព្រំប្រទល់ជាប់ប្រទេសឡាវ និង វៀតណាម ហើយមានផ្ទៃក្រឡា ៣.៣២៥ គីឡូម៉ែត្រក្រឡា និង ស្ថិតនៅភាគនិរតីនៃប្រជុំជួរភ្នំអាណោម ដែលចេញពីប្រទេសវៀតណាម និង ស្ថិតនៅជាយវាល ព្រៃជម្រុះស្លឹកឥណ្ឌូចិន កណ្តាល ។
ឧទ្យានជាតិវិរៈជ័យ ចាត់ទុកជាដែនជម្រកមួយសម្រាប់ពពួកថនិកសត្វធំៗរបស់ប្រទេសកម្ពុជា មានដូចជាខ្ទីង ទន្សោង ក្របីព្រៃ ដំរី ខ្លាដំបង ខ្លារខិន ជាដើម ។ ព្រៃឈើឧទ្យានជាតិវីរៈជ័យ ភាគច្រើនជាប្រភេទព្រៃពាក់កណ្តាលស្រោង និង ព្រៃស្រោងបៃតងជានិច្ច ។ ទិដ្ឋភាពចម្រុះរបស់ឧទ្យានជាតិនេះ ក៏បង្កប់ផងដែរនូវតំបន់ទំនាបលិចទឹក វាលស្មៅ ព្រៃឫស្សី ព្រៃចម្រុះ ជ្រុះស្លឹក និង ព្រៃជ្រុះស្លឹកសុទ្ធ ។
ឧទ្យានជាតិនេះអាចជាដែនជម្រកព្រៃឈើនៅសល់ចុងក្រោយគេបំផុតដែល មានរុក្ខជាតិ ប្រចាំតំបន់ចាំបាច់ត្រូវការពារ ។ មានទន្លេធំៗពីរ គឺទន្លេសេសាននៅភាគខាងត្បូង និង ទន្លេសេកុង នៅភាគខាងលិច ជាប់នឹងឧទ្យានជាតិ។
តំបន់មួយនេះ ក៏តំបន់ការពារធម្មជាតិដ៏សំខាន់ដែលផ្ដល់នូវចំណូល ជួយទ្រទ្រង់ដល់ជីវភាពរបស់សហគមន៍ជាមូលដ្ឋានផងដែរ៕
ប្រភពពី៖ Ministry of Environment
Bong I.T