អាហ្វ្រិកខាងត្បូង៖ កាលពីថ្ងៃចន្ទកន្លងទៅនេះ មនុស្សក្មេងចាស់ប្រុសស្រីជាង១,០០០នាក់ បាននាំគ្នាធ្វើដំណើរទៅកាន់ភូមិ KwaHlathi ស្ថិតក្នុងខេត្ដ KwaZulu-Natal នៃប្រទេសអាហ្វ្រិកខាងត្បូង ដើម្បីទៅស្វែងរកដុំត្បូងដែលមិនទាន់ស្គាល់ម៉្យាង ដោយពួកគេជឿថាជាត្បូងពេជ្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសារព័ត៌មាន Reuter បានឲ្យដឹងថា ប្រជាជនអាហ្វ្រិកខាងត្បូងបានធ្វើដំណើរពីគ្រប់ទិសទី ដើម្បីទៅចូលរួមជាមួយអ្នកភូមិដែលជីកបានតាំងពីថ្ងៃសៅរ៍ ពោលគឺបុរសម្នាក់ជីកបានដុំនោះមុនដំបូងគេ ដែលអ្នកខ្លះជឿថាវាជាគ្រីស្ដាល់ (quartz crystals) ។
អ្នកជីកម្នាក់ឈ្មោះ Mendo Sabelo អាយុ ២៧ឆ្នាំ បាននិយាយថា ការរកឃើញនេះគឺជាការផ្លាស់ប្តូរជីវិតរបស់គាត់។ លោកបាននិយាយដូច្នេះថា៖
នេះមានន័យថាជីវិតរបស់យើងនឹងផ្លាស់ប្ដូរ ព្រោះពួកយើងគ្នានរណាម្នាក់មានការងារធ្វើច្បាស់លាស់នោះទេ។ នៅពេលខ្ញុំបានត្រឡប់មកផ្ទះវិញជាមួយដុំត្បូង គ្រួសាររបស់ខ្ញុំពិតជាសប្បាយរីករាយខ្លាំងណាស់។
មនុស្សម្នាក់ទៀតបាននិយាយដែរថា៖
ខ្ញុំមិនដែលបានឃើញ ឬប៉ះត្បូងពេជ្រនោះទេ នៅក្នុងជីវិតរបស់ខ្ញុំ ហើយនេះជាលើកទីមួយហើយ ដែលខ្ញុំប៉ះវា។
ជុំវិញករណីនេះ នាយកដ្ឋានមីនបាននិយាយកាលពីថ្ងៃចន្ទដែរថា ខ្លួនបានបញ្ជូនក្រុមដែលមានជំនាញខាងភូគព្ភសាស្ត្រ និងរ៉ែទៅកន្លែងនោះផងដែរ ដើម្បីប្រមូលសំណាក និងធ្វើការវិភាគ។ ហើយអាជ្ញាធរខេត្ដក៏បានស្នើឲ្យអ្នកពាក់ព័ន្ធទាំងអស់ចាកចេញពីកន្លែងនោះ ដើម្បីអនុញ្ញាតឲ្យអាជ្ញាធរធ្វើការត្រួតពិនិត្យឲ្យបានត្រឹមត្រូវ ខណៈពេលមានការបារម្ភថា ប្រជាជនដែលទៅជីកនៅទីតាំងនោះ អាចនឹងឆ្លងកូវីដ-១៩។
តែយ៉ាងណាមិញ អ្នកខ្លះក៏បានចាប់ផ្ដើមលក់ត្បូងនោះផងដែរ ដោយមានតម្លៃចាប់ ១០០ រ៉ង់ (៧.២៩ដុល្លារអាមេរិក) ទៅ ៣០០ រ៉ង់ (២១.៨២ ដុល្លារអាមេរិក)៕
សូមទស្សនារូបភាពខាងក្រោម៖
