អង់គ្លេស៖ អតីតអ្នកចាត់ការទូទៅក្លិប Manchester United លោក Jose Mourinho ជឿជាក់ថា កីឡាករ Dean Henderson នឹងក្លាយទៅជាអ្នកចាំទីដ៏អស្ចារ្យនាពេលខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅពាក់កណ្តាលរដូវកាលកន្លងទៅនេះ អ្នកចាំទីសញ្ជាតិអង់គ្លេសខាងលើទទួលបានការទុកចិត្តពីសំណាក់លោក Ole Gunnar Solskjaer ឲ្យលេងជាជម្រើសដំបូងជំនួស David de Gea ដែលបង្ហាញទម្រង់លេងពុំសូវបានល្អ។ វត្តមានរបស់ Henderson បានរួមចំណែក Man Utd បានច្រើនជាពិសេសរូបគេក៏ទទួលបានការកោះហៅឲ្យចូលរួមជាមួយក្រុមជម្រើសជាតិអង់គ្លេសក្នុងព្រឹត្តិការណ៍ EURO ខាងមុខនេះផងដែរ។
លោក Mourinho បាននិយាយថា៖
ខ្ញុំធ្លាប់បានជួបជាមួយ Henderson គ្រាដឹកនាំនៅ Man Utd ហើយ គាត់តែងតែសុំខ្ញុំឲ្យខ្ចីជើងគាត់ទៅកាន់ក្លិបផ្សេង។ គាត់បានប្រាប់ខ្ញុំ ថា ពេលគាត់ត្រឡប់មកវិញ គាត់នឹងក្លាយជាកីឡាករជម្រើសដំបូង។ គាត់ជាក្មេងប្រុសម្នាក់ដែលតែងតែជឿជាក់លើខ្លួនឯង ហើយ ខ្ញុំគិតថាគាត់បានត្រៀមខ្លួនរួចហើយ។ Henderson នឹងក្លាយជាអ្នកចាំទីដ៏អស្ចារ្យនាពេលអនាគត៕
ប្រភព៖ metro
Bong I.T