ឆ្លងទៅឆ្លងមក! វីរុសបំប្លែងថ្មីនៅថៃ រកឃើញនៅក្នុងប្រទេសមួយនេះហើយ

អង់គ្លេស៖ អាជ្ញាធរអង់គ្លេស បានរាយការណ៍អំពីករណីវីរុសបំប្លែងខ្លួនថ្មីមួយប្រភេទ ដែលត្រូវបានរកឃើញនៅក្នុងប្រទេសថៃ នៅក្នុងចំណមនុស្សជាច្រើនដែលបានមកធ្វើដំណើរពីប្រទេសអេស៊ីប។

ក្រសួងសុខាភិបាលសាធារណៈអង់គ្លេស បានរាយការណ៍អំពីករណីចំនួន១០៩ ករណី ដែលជាវីរុសបំប្លែងថ្មីប្រភេទ C.36.3 ត្រូវបានរកឃើញនៅក្នុងប្រទេសអង់គ្លេស។

ក្រសួងសុខាភិបាលអង់គ្លេស នៅមិនទាន់ឈ្មោះវីរុសប្រភេទថ្មីនេះជាផ្លូវការ នៅឡើយទេ គ្រាន់តែហៅថា វីរុសបំប្លែងថ្មីមកពីប្រទេសថៃ ដោយត្រូវបានហៅដោយប្រព័ន្ធផ្សព្វផ្សាយរបស់អង់គ្លេស តែយ៉ាងណា អាជ្ញាធរថៃ បានបដិសេធចំពោះការហៅបែបនេះ។

យោងតាមរបាយការណ៍របស់ក្រសួងសុខាភិបាលសាធារណៈរបស់អង់គ្លេស បានឱ្យដឹងថា វីរុសបំប្លែងថ្មីនេះ ត្រូវបានរកឃើញដំបូងនៅក្នុងប្រទេសថៃ និងទៅលើអ្នកដែលបានធ្វើដំណើរមកពីប្រទេសអេស៊ីប។ មកទល់ពេលនេះ មិនទាន់មានភ័ស្តុតាងណាមួយថាតើ វីរុសនេះ បង្កភាពធ្ងន់ធ្ថរ ឬ មានឥទ្ធិពលបែបជាមួយវ៉ាក់សាំងបច្ចុប្បន្ននោះទេ។ព័ត៌មានលម្អិតនៅតែមិនច្បាស់ ខណៈដែលក្រសួងសុខាភិបាលអង់គ្លេស កំពុងស៊ើបអង្កេតនិងធ្វើតេស្តិ៍មន្ទីរពិសោធន៍លើវីរុសបំប្លែងថ្មីនេះ។លោកវេជ្ជបណ្ឌិត Supakit Sirilak អគ្គនាយកនៃនាយកដ្ឋានវិទ្យាសាស្ត្រវេជ្ជសាស្ត្រ បាននិយាយថាទីភ្នាក់ងារនេះកំពុងពិនិត្យមើលរបាយការណ៍របស់អង់គ្លេស ហើយបដិសេធចំពោះការប្រើប្រាស់ វីរុសបំប្លែងថ្មីថៃ។ការរកឃើញជាបឋម បានរកឃើញថាវីរុសប្រភេទថ្មីនេះ ត្រូវបាននាំចូលក្នុងប្រទេសថៃ ដោយអ្នកដំណើរមកពីប្រទេសអេ ដែលត្រូវបានគេដាក់ឱ្យនៅដាច់ដោយឡែកបន្ទាប់ពីបានមកដល់។ជាមួយគ្នានោះ លោកវេជ្ជបណ្ឌិត Supakit បាននិយាយថា៖ ជាគោលការណ៍ ប្រភពដើមគឺនៅក្នុងប្រទេសអេហ្ស៊ីប។ ដូច្នេះវាមិនអាចត្រូវបានគេហៅថា វីរុសបំប្លែងថ្មីថៃនោះទេ៕