អង់គ្លេស៖ ខ្សែប្រយុទ្ធ Sergio Aguero បានប្រកាសចាកចេញពីក្លិបមេឃខៀវ Manchester City នៅដំណាច់រដូវកាលនេះ បន្ទាប់ពីចំណាយអស់រយៈពេល១០រដូវកាលនៅទឹកដី Etihad ហើយមុនចាកចេញគេក៏បានរំលឹកអតីតកាលដ៏គួរឲ្យរំភើបមួយចំនួនផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករសញ្ជាតិអាហ្សង់ទីនរូបនេះ បានបង្ហើបថាគ្រាប់បាល់ដែលគេបានស៊ុតបញ្ចូលទីយ៉ាងគួរឲ្យចងចាំបំផុតគឺ១គ្រាប់នៅចុងម៉ោង ក្នុងការប្រកួតទល់នឹងក្លិប Queen Park Rangers កាលពីឆ្នាំ២០១២ ដែលបានជួយ Manchester City លើកពាន Premier League ដំបូងគេបង្អស់ក្នុងរយៈពេល៤៤ឆ្នាំចុងក្រោយ ដែលវាបានក្លាយជាគ្រាប់បាល់ល្អបំផុតក្នុងប្រវត្តិសាស្ត្ររបស់ Man City ។
ក្រៅពីនោះ កីឡាករវ័យ៣២ឆ្នាំរូបនេះក៏បានបង្ហើបដែរថា គ្រាប់បាល់ដែលគេស៊ុតបានឡូយបំផុតគឺក្នុងការប្រកួតទល់នឹង Liverpool កាលពីឆ្នាំ២០១៣។
Aguero បានថ្លែងប្រាប់ Sky Sports ថា៖
ការស៊ុតបញ្ចូលទីមួយគ្រាប់នោះរបស់ខ្ញុំគឺជាគ្រាប់បាល់ដែលសំខាន់បំផុតក្នុងជីវិតរបស់ខ្ញុំ គ្រប់ពេលដែលខ្ញុំមើលការប្រកួតជាមួយគ្រួសារនិងកូនប្រុសខ្ញុំ គឺខ្ញុំតែងតែនឹកដល់វា។នៅពេលដែលខ្ញុំប៉ះបាល់ជាប់ជើងមុនស៊ុតបញ្ចូលទី ខ្ញុំបានគិតថា អូ៎ ប្រហែលត្រូវប៉េណាល់ទីហើយ ព្រោះខ្សែការពារម្នាក់បានប៉ះខ្ញុំ ប៉ុន្តែខ្ញុំគិតថា អត់ទេ ខ្ញុំត្រូវតែស៊ុត! ហើយពេលខ្ញុំស៊ុតគឺខ្ញុំខំប្រឹងស៊ុតឲ្យខ្លាំង ហើយខ្ញុំក៏មានសំណាងពិតមែន។ បន្ទាប់ពីនោះ ពីរទៅបីថ្ងៃ ខ្ញុំនៅតែមិនជឿខ្លួនឯង។ ពួកយើងភ័យណាស់កាលណោះ ព្រោះពួកយើងត្រូវតែឈ្នះចាំបាច់ នៅតង់ទី២ខ្ញុំបានមើលពេលវេលាគឺនាទីទី៨៨ទៅហើយ លទ្ធផលនៅ ២ ទល់នឹង ១ ដដែលហើយខ្ញុំក៏គិតថា ទេ វាមិនគួរឲ្យជឿទេ។ ការពិតទៅខ្ញុំស្រឡាញ់គ្រាប់បាល់ដែលខ្ញុំស៊ុតទាំងអស់ ប៉ុន្តែកាលប៉ះនឹង QPR គឺពិតជាពិសេស។ ខ្ញុំក៏ធ្លាប់ស៊ុតបញ្ចូលទីច្រើនទល់នឹង Manchester United, Chelsea និង Tottenham ដែរតែ គ្រាប់បាល់ដែលល្អបំផុតគឺខ្ញុំស៊ុតទល់នឹង Liverpool ។ បើអ្នកនៅចាំ Pepe Reina គឺគេបានដណ្ដើមបាល់ហើយ Gareth Barry បោះវាមកឲ្យខ្ញុំ។ខ្ញុំបានគិតថា ខ្ញុំត្រូវតែស៊ុតតែមើលទៅដូចជាគ្មានប្លង់ត្រូវស៊ុត វាពិបាកណាស់តែខ្ញុំនៅតែអាចធ្វើបាន។
ប្រភព៖ goal
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប
Bong I.T