Lisa ចែករំលែកស្ទីលពាក់មួក ១០របៀប ដែល​ពាក់​​ហើយ​សក្តិ​សម​ជាមួយសម្លៀកបំពាក់ឥតទាស់

កូរ៉េខាងត្បូង៖ Lisa មិនធ្លាប់ធ្វើឱ្យអ្នកគាំទ្រខកចិត្តនោះទេពីរបៀបតុបតែងខ្លួនដែលមើលទៅទាន់សម័យ និងកាលីបក្នុងពេលតែមួយ ហើយចំពោះការពាក់មួកនេះក៏មិនមែនថាអ្នកណាៗក៏ពាក់ស្អាតទាំងអស់នោះទេ។ ពេលនេះ Lisa ក៏បានផ្តល់​ជាជំនួយខ្លះអំពីការពាក់មួកជាមួយការប្រើសម្លៀកបំពាក់ប្លែកៗ ហេតុនេះហើយ​បើសិនជាអ្នកចង់​តុបតែងខ្លួនតាមរបៀបតារាសំណព្វចិត្តម្នាក់នេះ អ្នកអាចរៀនតាមរយ:រូបភាពខាងក្រោមបាន៖

១. អាវក្រៅពណ៌ខ្មៅ

Lisa បានបង្ហាញមន្តស្នេហ៍ទាក់ទាញរបស់ខ្លួន តាមរយ:អាវធំពណ៌ខ្មៅ និងមួកបែបខូវប៊យរបស់ CELINE ដែលប្រាកដណាស់ថាវាទាំងទាក់ទាញ និងមើលទៅទាន់សម័យទៀតផង។

២. អាវក្រៅពណ៌ ស

ដោយប្រើមួកប្រភេទដូចគ្នា Lisa គ្រាន់តែផ្លាស់ប្តូរអាវក្រៅទៅជាពណ៌ ស និងប្រើគ្រឿងអលង្ការដែលថ្លៃថ្នូរ តារារូបនេះក៏ក្លាយទៅជាអ្នកនាងដែលចេញមកពីរឿងភាគបាត់ទៅហើយ។

៣. ងាយៗតែគួរឱ្យស្រឡាញ់

ប្តូរពីស្ទីលបែបកាលីប មកជារួសរាយគួរឱ្យស្រឡាញ់វិញម្តងជាមួយនឹងអាវសាច់ចាក់ដែលមានលាយពណ៌ខ្មៅ និងពណ៌ ស រួមជាមួយនឹងមួកដែលមានរោមទន់ៗ។

៤. ស្ទីលមាត់សមុទ្រ

តារាកូនកាត់ម្នាក់នេះបានប្រើអាវស្តើងវែងពណ៌ខ្មៅដើម្បីបិទបាំងឈុតងូតទឹករបស់ខ្លួន ព្រមទាំងពាក់មួកដែលមានខ្សែចង ដែលមើលយ៉ាងណាក៏មើលទៅដូចតុក្កតាដើរបានយ៉ាងដូច្នេះដែរ។

៥. ស្អាតដោយពណ៌ផ្កាឈូក

អាវចងខ្សែពណ៌ផ្កាឈូក ជាមួយនឹងខោខូវប៊យខ្លី មើលទៅសមបំផុតជាមួយនឹងការមកលំហែលើកប៉ាល់តែម្តង។

៦. អាវក្រៅពណ៌ត្នោត

ប្រសិនបើអ្នកចង់តុបតែងខ្លួនបែបកាលីប អ្នកអាចប្រើអាវស្បែកពីខាងក្រៅជាមួយនឹងមួកពណ៌ខ្មៅធំមួយ។

៧. ញ៉ាំការ៉េមក៏នៅតែស្អាត

ពេលខ្លះខោអាវសាមញ្ញៗបំផុតនោះហើយគឺជាខោអាវដែលស្អាតបំផុត អ្នកគ្រាន់តែពាក់ខោកីឡាពណ៌ស្លេកៗ ជាមួយនឹងអាវក្រៅធំៗ ហើយពាក់មួកក្រឡាការ៉ូ អ្នកក៏អាចក្លាយជា Lisa បានទៅហើយ។

៨. តោះទៅសមុទ្រ

អ្នកអាចសាកល្បងប្រើអាវបែបក្រឡាសត្វគ្របពីលើឈុតងូតទឹក ហើយរួមជាមួយមួកពណ៌ខៀវ នៅពេលទៅលេងសមុទ្រលើកក្រោយម្តងក៏បាន។

៩. ភ្លឺដូចជាផ្កា

ជាមួយនឹងអាវខ្លីពាក់កណ្តាលខ្លួន Lisa បានពាក់វាជាមួយនឹងខោម៉ូតទាហាន និងមិនភ្លេចពាក់មួកដែលមានពណ៌ដូចជាអាវ ដែលធ្វើឱ្យនាងមើលទៅលេចធ្លានិងស្អាតជាងផ្កាទៅទៀត។

១០. ទប់ចិត្តមិនបាន

ឃើញថា Lisa ដូចជាចូលចិត្តអាវខ្លីៗបែបនេះខ្លាំងណាស់ ដោយវាក៏មើលទៅស៊ីគ្នាជាមួយខោធំរលុងពណ៌ក្រហមលាយពណ៌ទឹកក្រូចយ៉ាងខ្លាំងតែម្តង។បន្ថែមពីលើនោះតារារូបនេះក៏បានបង្ហាញឱ្យយើងឃើញថាមួកពណ៌ខ្មៅនៅពេលខ្លះក៏ស័ក្តសមបំផុតជាមួយឈុតខោអាវពណ៌ភ្លឺៗផងដែរ៕