បារាំង៖ នាយកប្រត្តិបត្តក្លិបបាល់ទាត់ Paris Saint-Germain លោក Leonardo បានសង្កត់ធ្ងន់ម្តងហើយម្តងទៀតថាលោកពិតជាមានភាពស្មុគស្មាញមែនទែនចំពោះការធ្វើកិច្ចព្រមព្រៀងលើកិច្ចសន្យាថ្មីជាមួយខ្សែរប្រយុទ្ធសសញ្ជាតិបារាំង Kylian Mbappe ណាស់ ហើយវាក៏ឈានចូលដល់ឆ្នាំចុងក្រោយនៃកិច្ចព្រមព្រៀងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងទៅតាមគេហទំព័រ Deportes Cuatro ក្រុម Paris Saint-Germain បានរៀបរាប់ឲ្យដឹងថា "ពួកគេជិតអស់សង្ឃឹមហើយក្នុងការធ្វើឲ្យ Kylian Mbappe ចុះកុងត្រាថ្មី មិនតែប៉ុណ្ណោះ Mbappe ពិតជាមិនបានផ្តល់ហេតុផលដល់ពួកគេទេ"។
ខ្សែប្រយុទ្ធវ័យ ២២ ឆ្នាំរូបនេះបានបដិសេធសំណើកិច្ចសន្យាចំនួន៤ដងពី Paris Saint-Germain រួចទៅហើយ ដែលចុងក្រោយបង្អស់ពួកគេបានផ្ដល់ប្រាក់ខែរហូត ៣៥លានផោនក្នុងមួយឆ្នាំពោលគឺ ច្រើនជាង Neymar ៣លានផោន ។
គួរបញ្ជាក់ផងដែរថា Kylian Mbappe ចង់ទៅចូលរួមលេងឲ្យក្រុម Real Madrid ហើយក៏មានដំណឹងថារូបគេកំពុងស្វែងរកផ្ទះនៅទីក្រុង Madrid ផងដែរ។ យ៉ាងណាក្ដីដំណេងនេះមិនទាន់មានការឆ្លើយតបច្បាស់ការពីក្លឹប Real Madrid នោះទេ៕
ប្រភព៖ 90min.com