លើសជាតិស្ករ លើសសម្ពាធឈាម ជាបញ្ហាសុខភាពមួយដែលគ្នាយើងធ្លាប់បានឭញឹកញាប់ ដោយសារប្រជាជនខ្មែរយើងភាគច្រើនសុទ្ធតែជួបបញ្ហាសុខភាពទាំងពីរនេះ។ ប៉ុន្តែ គ្នាយើងមានដែលឮពីបញ្ហាលើសជាតិប្រូឡាក់ទីនក្នុងរាងកាយឬអត់?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីទៅជាបញ្ហាលើសជាតិប្រូឡាក់ទីន?
ការលើសអ័រម៉ូនប្រូឡាក់ទីន (ភាសាបច្ចេកទេស Hyperprolactinemia) គឺជាការបញ្ចេញអ័រម៉ូនប្រូឡាក់ទីនច្រើនលើសលុបក្នុងរាងកាយ ដែលផលិត និងបញ្ចេញដោយក្រពេញអ៊ីប៉ូហ្វីសខាងមុខ។ អ័រម៉ូនប្រូឡាក់ទីន ជាអ័រម៉ូនដែលមានតួចនាទីក្នុងការផលិតទឹកដោះ។ នេះបើតាមការឲ្យដឹងពីលោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។
បញ្ហានេះមានរោគសញ្ញាបែបណាវិញ?
រោគសញ្ញានៃបញ្ហាលើសជាតិប្រូឡាក់ទីនអាចមានភាពខុសគ្នារវាងមនុស្សស្រី និងមនុស្សប្រុស។ ដោយសារកម្រិតប្រូឡាក់ទីន មានឥទ្ធិពលដល់ការផលិតទឹកដោះ និងវដ្ដរដូវ ដូចនេះទើបពិបាកដឹងពីបញ្ហានេះចំពោះបុរស។ ចំពោះរោគសញ្ញារវាងភេទទាំងពីរដែលកើតមានបញ្ហានេះមានដូចជា៖
មនុស្សស្រី
- វិបត្តិអត់កូន
- រដូវមិនទៀង ឬរាំងរដូវ
- ហៀរទឹកដោះ
- អត់ចំណង់ផ្លូវភេទ
- ឈឺក្បាល
- ស្រវាំង ឬងងឹតភ្នែក
មនុស្សប្រុស
- វិបត្តិអត់កូន
- អត់ចំណង់ផ្លូវភេទ
- ហៀរទឹកដោះ
- ឡើងដោះ
- ឈឺក្បាល
- ស្រវាំង ឬងងឹតភ្នែក
- មានបញ្ហាលឹង្គមិនឡើងរឹង
វេជ្ជបណ្ឌិតរូបនេះបន្តទៀតថា ជាធម្មតា បញ្ហាលើសជាតិប្រូឡាក់ទីនអាចព្យាបាលបាន ហើយការព្យាបាលនឹងពឹងផ្អែកទៅលើមូលហេតុដែលបណ្ដាលឲ្យមានបញ្ហានេះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T