អុីតាលី៖ អតីតខ្សែការពារក្លិបសេះបង្កង់ លោក Pasquale Bruno បានវាយប្រហារថា Juventus គឺ ជាក្លិបដ៏គួរឲ្យអាម៉ាស់បំផុតដែលគ្រប់គ្រងដោយកីឡាករ Cristiano Ronaldo។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ បុរសវ័យ៥៨ឆ្នាំខាងលើបានស្តីបន្ទោសទៅកាន់ Ronaldo ដែលរូបគេជាអ្នកជះឥទ្ធិពលដល់ការសម្រេចចិត្តរបស់ប្រធានក្លិប Juventus ក្នុងការបណ្តេញអតីតអ្នកចាត់ការលោក Massimiliano Allegri និង Maurizio Sarri និង ថែមទាំងចំអកដល់សមិទ្ធិផលរបស់ខ្សែការពារជើងចាស់ Leonardo Bonucci និង Giorgio Chiellini ធ្វើឲ្យអ្នកទាំងពីរបាត់បង់កៅអីជម្រើសដំបូង។
លោក Bruno បាននិយាយថា៖
Juventus គឺ ជាក្លិបដ៏គួរឲ្យអាម៉ាស់បំផុតដែលគ្រប់គ្រងដោយ Ronaldo។ Bonucci និង Chiellini មើលទៅដូចជាកីឡាករអស្ចារ្យពីររូប។ ពួកគេធ្លាប់បានឈ្នះពានរង្វាន់ចំនួន ៩ ក្នុងលីគដ៏ល្អបំផុតលំដាប់ទីបួនក្នុងពិភពលោក និង ធ្លាប់ទម្លាក់ Barcelona ហើយ ថ្ងៃក្រោយមកទៀត Juventus បែរជាក្លាយជាក្រុមដែលជួបរឿងនេះ។ Juventus បានបណ្តេញលោក Allegri ដើម្បីនាំយកលោក Sarri ហើយត្រូវបានបណ្តេញចេញដូចគ្នានៅរដូវកាលបន្ទាប់ពីព្រោះក្លិបស្តាប់តាម Ronaldo។ អ្នកអាចគិតថាកីឡាករអាចនិយាយបាន ប៉ុន្តែនេះមិនមែនជាសិទ្ធរបស់ពួកគេឡើយ៕
ប្រភព៖ marca
Bong I.T