អង់គ្លេស៖ ខ្សែការពារ Ruben Dias របស់ក្លិបមេឃខៀវ Manchester City បានបង្ហើបថាគេចាត់ទុក លោក Rio Ferdinand និងលោក Nemanja Vidic ដែលជាអតីតខ្សែការពាររបស់ Manchester United ថាជាកីឡាករសំណព្វចិត្តរបស់គេកាលនៅក្មេង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រៅពីនោះគេក៏បាននិយាយដែរថាគេមិនអាចប្រៀបធៀបជាមួយលោក Vincent Kompany ដែលជាខ្សែការពារឆ្នើមរបស់ Manchester City ឡើយបើទោះបីជាមួយរយៈចុងក្រោយនេះ Dias បានវិវត្តន៍ខ្លួនក្លាយជាខ្សែការពារឆ្នើមមួយរូបដល់ថ្នាក់មានអ្នកយកគេទៅនិយាយថាគេប្រៀបដូច Virgil Van Dijk នៅ Liverpool យ៉ាងអ៊ីចឹង។
កីឡាករសញ្ជាតិព័រទុយកាល់រូបនេះបានថ្លែងប្រាប់លោក Rio Ferdinand ថា៖
កាលខ្ញុំនៅក្មេង ការដែលបានមើលការប្រកួតក្នុងក្របខណ្ឌ Premier League គឺជាក្ដីសុបិនមួយរបស់ខ្ញុំ ខ្ញុំធ្លាប់មើលការប្រកួតដែលមានរូបលោក( Rio Ferdinand), Nemanja Vidic,Kompany,John Terry និងមានជាច្រើនទៀត។ បន្ទាប់ពីនោះខ្ញុំក៏ចាប់ផ្ដើមរៀនសូត្រតាមពួកគាត់ និងយល់ពីរបៀបលេងបាល់។
បន្ទាប់មកDias ក៏ បានថ្លែងទាក់ទងនឹងរឿងដែលអ្នកគាំទ្រយកគេទៅប្រៀបធៀបនឹងអតីតប្រធានក្រុម Vincent Kompany ថា៖
មានមនុស្សជាច្រើននាក់បានប្រៀបធៀបខ្ញុំនឹងលោក Vincent ហើយខ្ញុំយល់ថាហេតុអីពួកគេនិយាយបែបនោះប៉ុន្តែបើនិយាយឲ្យស្មោះត្រង់ទៅ អ្នកមិនអាចយកខ្ញុំទៅធៀបនឹង Kompany បានទេ ព្រោះគាត់បានឈ្នះពានសឹងតែទាំងអស់ ហើយគាត់ស្នាក់នៅជាមួយក្លិបបានយូរអង្វែងណាស់។
គួររម្លឹកផងដែរថា Ruben Dias ទើបតែផ្ទេរមក Manchester City កាលពីខែកញ្ញាឆ្នាំ២០២០ប៉ុណ្ណោះប៉ុន្តែពេលនេះគេបានក្លាយជាកីឡាករស្នូលមួយក្នុងក្រុមនិងបានជាប់ជម្រើស១១នាក់ដំបូងក្រោមការដឹកនាំរបស់លោកគ្រូ Pep Guardiola សឹងតែគ្រប់ការប្រកួតដោយថ្មីៗនេះគេទើបតែស៊ុត១គ្រាប់ជួយឱ្យ Man City ឈ្នះ West Ham ២ទល់នឹង ១ផងដែរ៕
ប្រភព៖ thesun
Bong I.T