ស្កាត់ពីខេត្ត​ មក​​រៀន​ដល់​ភ្នំពេញ​ដំបូង​ៗ​ អ្នក​គួរចេះ​​ប៉ុន្មាន​ក្បាច់​នេះ​ ដើម្បីបន្ថយ​បន្ទុក​អ្នក​ផ្ទះ

សម្រាប់សិស្សានុសិស្សដែលមានជីវភាពមិនសូវធូរធាខ្លាំង ការម្រេចចិត្តបន្តការសិក្សាប្រាកដជា​មានជួបនូវ​បញ្ហាខ្លះៗ​ជា​ពុំខាន ជាពិសេសរឿងថវិកាក្នុងការចាយវាយពេលមកបន្តការសិក្សានោះឯង។ ដូចដែលបានដឹងស្រាប់ហើយ​សម្រាប់​និស្សិត​ដែលមានជីវភាពមិនសូវធូរធាគឺត្រូវការ ការចាយវាយរិតត្បិតបន្តិចព្រោះគ្រួសារពួកគាត់ខ្សត់ខ្សោយ ការ​ចាយរាយខ្វះមុខខ្វះក្រោយ។

ដូចនេះ ដើម្បីឲ្យដឹងគន្លឹះខ្លះៗពីរបៀបចាយ របៀបសន្សំ និងរបៀបរក ពេលឡើងមករៀននៅ​ភ្នំពេញប្អូនៗ​គួរដឹង​ទិចនិចខ្លះៗ​ក្នុងការរស់នៅប្រចាំថ្ងៃ ទទួលខុសត្រូវដោយខ្លួនឯងតាម​ចំណុចដូចជា៖

១. ការចាយវាយលុយកាក់

ឃើញអ្វីមិនមែនចេះតែទិញនេះ ទិញនោះតាមចិត្តចង់នោះទេ យើងត្រូវចេះលៃលកចាយយ៉ាងណាឲ្យគ្រប់ខែ រឺអាច​ចាយ​ដល់ខែថ្មីរិតតែល្អ ព្រោះលុយដែលឪពុកម្តាយផ្តល់ឲ្យគឺគម្រប់តែ១ខែប៉ុណ្ណោះ។ ទិញអ្វីដែលចាំបាច់ កុំទិញតាម​ចិត្ត​ចង់ បើមិនដូចនេះទេ អ្នកប្រាកដជាចាយមិនគ្រប់ឡើយ ។

២. ការន្សំលុយ

យើងត្រូវចេះសន្សំលុយតាមដែលអាចធ្វើទៅបាន តិចតួចក៏ត្រូវចេះសន្សំដែរ។

• រៀនសន្សំពិតិចទៅច្រើន
• រៀនទទួលខុសត្រូវដោយខ្លួនឯង

៣. ការរកលុយនៅពេលសិក្សា

ជាការពិតណាស់ ការស្វែងរកការងារធ្វើនៅអំឡុងពេលសិក្សា ជាពិសេសរៀនផង ធ្វើការផង វាពិតជាពិបាក​គួរសម​ដែរ​​។ សម្រាប់កូនអ្នកមាន គឺគេប្រឹងរៀនរហូតចប់ ទើបគេរកការងារធ្វើ ចំណែកយើងជាកូនអ្នកអត់ ចាំបាច់ត្រូវតែតស៊ូ​ស្វែងរក​ការងារធ្វើដើម្បីបានលុយខ្លះៗមកផ្គត់ផ្គង់ការសិក្សារ និងការចាយវាយរបស់ខ្លួន។ ដូចនេះយើងត្រូវ៖

• ស្វែងរកការងារណាមួយដែលអាចធ្វើការក្រៅម៉ោងបាន ដែលមិនប៉ះពាល់ដល់ការសិក្សា។
• ការរកការងារក្រៅម៉ោង ប្រៀបដូចជាយើងបានយល់ពីបទពិសោធន៏បណ្តើរៗទម្រាំយើងរៀនចប់ ហើយ​ហ្វឹកហាត់ លត់ដំ កុំឲ្យយើងខ្ជឹលច្រអូស ។
• លុយដែលរកបានត្រូវចេះសន្សំ ១០ភាគរយ នៃប្រាក់ខែរបស់យើង ដើម្បីទុកថ្ងៃណាដែលយើង ឈឺថ្កាត់ ឬទុក​បម្រុងផ្សេងៗ៕