បរទេស៖ យោងតាមទស្សនាវដ្តី Forbes ថ្ងៃទី ២២ ខែមករា ឆ្នាំ២០២១ បានដាក់ចំណាត់ថ្នាក់លើមហាសេដ្ឋីពាន់លាន ដែលជាប់ជាអ្នកមានជាងគេនៅលើពិភពលោកទាំង ១០រូប មានដូចជា៖

១.​  លោក Jeff Bezos ជាស្ថាបនិក និងនាយកប្រតិបត្តិក្រុមហ៊ុន Amazon ដែលមានទ្រព្យសម្បត្តិសរុបចំនួន ១៩២.៣ ពាន់លានដុល្លារអាមេរិក។

២. លោក Elon Musk ជានាយកប្រតិបត្តិរបស់ក្រុមហ៊ុន SpaceX ដែលមានទ្រព្យសម្បត្តិសរុបចំនួន ១៨២.៩ ពាន់លានដុល្លារអាមេរិក។

៣. លោក Bernard Arnault  ជាប្រធាន និងនាយកប្រតិបត្តិរបស់ក្រុមហ៊ុនម៉ាកល្បីជាច្រើន រួមមានដូចជា ក្រុមហ៊ុនម៉ាក Louis Vuitton និង Sephora ដែលមានទ្រព្យសម្បត្តិសរុបចំនួន ១៤៨.៤ ពាន់លានដុល្លារអាមេរិក។

៤.​ លោក​ Bill Gates ជាសហស្ថាបនិកនៃមូលនិធិ Bill & Melinda Gates ដោយបច្ចុប្បន្នលោកមានទ្រព្យសម្បត្តិសរុបចំនួន ១២១.៦ ពាន់លានដុល្លារអាមេរិក។

៥. លោក​ Mark Zuckerberg សហស្ថាបនិក ជានាយកប្រតិបត្តិ និងប្រធាននៃក្រុមហ៊ុន Facebook ដែលមានទ្រព្យសម្បត្តិសរុបចំនួន ៩៩.៨ ពាន់លានដុល្លារអាមេរិក។

៦.​ លោក Zhong Shanshan មហាសេដ្ឋីចិនមួយរូបនេះគឺជាស្ថាបនិកក្រុមហ៊ុនភេសជ្ជៈធំជាងនៅក្នុងប្រទេសចិន មានទ្រព្យសម្បត្តិសរុបចំនួន ៨៩.២ ពាន់លានដុល្លារអាមេរិក។

៧. លោក Warren Buffet គឺជាអ្នកវិនិយោគជនជាតិអាមេរិកដ៏ជោគជ័យមួយរូប ដែលក្រុមហ៊ុន Berkshire Hathaway របស់លោកមានកាន់ជាង ៦០ក្រុមហ៊ុនល្បីៗ ហើយលោកមានទ្រព្យសម្បត្តិសរុបចំនួន ៨៩.១ ពាន់លានដុល្លារអាមេរិក។

៨. លោក Larry Ellison រកចំណូលបានចេញពីក្រុមហ៊ុន  software​ ឈ្មោះ Oracle Corporation  ដែលលោកជាស្ថាបនិក ហើយបានបង្កើតឡើងតាំងពីឆ្នាំ ១៩៧៧។ បច្ចុប្បន្នលោកមានទ្រព្យសម្បត្តិសរុបចំនួន ៨៦.៥ ពាន់លានដុល្លារអាមេរិក។

៩. លោក Larry Page សហស្ថាបនិករបស់ក្រុមហ៊ុន Google មានទ្រព្យសម្បត្តិសរុបចំនួន ៨២.៦ ពាន់លានដុល្លារអាមេរិក និងជាប់ចំណាត់ថ្នាក់ទី ៩ ក្នុងចំណោមអ្នកមានបំផុតនៅលើពិភពលោក។

១០. លោក Mukesh Ambani ប្រធានស្ថាបនិកនៃក្រុមហ៊ុន Reliance Industries មានទ្រព្យសម្បត្តិសរុប ៨១.៨ ពាន់លានដុល្លារអាមេរិក។