មកស្គាល់ប្រទេសតូចជាងគេទាំង ៦ នៅលើពិភពលោក

បើយោងទៅតាមអង្គារសហប្រជាជាតិ នៅលើពិភពលោកយើងនេះមានរដ្ឋចំនួន​ ១៩៥ ដែលមានអធិតេយ្យរបស់ខ្លួន និងមានចំនួនប្រជាជនសរុបប្រមាណ ៧.៥ ពាន់លាននាក់។ សម្រាប់ប្រទេសតូចៗមិនសូវមានអ្នកណាបានស្គាល់ឡើយ ខាងក្រោមនេះគឺជាប្រទេសដែលតូចជាងគេទាំង ៦ ។

១.  រដ្ឋបុរី វ៉ាទីកង់

បុរីវ៉ាទីកង់ ត្រូវបានគេចាត់ទុកជារដ្ឋអធិតេយ្យមួយដែលមានផ្ទៃដីត្រឹមតែ ៤៤ហិកតាតែប៉ុណ្ណោះ និងមានប្រជាជនរស់នៅទីនោះប្រហែល ១.០០០នាក់ ដែលស្ថិតនៅក្នុងប្រទេសអ៊ីតាលី និងត្រូវបានគេស្គាល់ថាជាព្រះវិហាររ៉ូមាំកាតូលិកដ៏ធំមួយនៅលើពិភពលោកផងដែរ។

២. រដ្ឋបុរី​ ម៉ូណាកូ

ម៉ូណាកូដែលមានផ្ទៃក្រឡាត្រឹមតែប្រមាណជា ២ គីឡូម៉ែត្រការ៉េប៉ុណ្ណោះ ដែលស្ថិតក្នុងតំបន់ French Rivera ឈូងសមុទ្រ មេឌីទ័ររ៉ានេ នៃប្រទេសបារាំង មានប្រជាជនម្រាមាណ ៤០.០០០ នាក់ប៉ុណ្ណោះ ហើយវាក៏ជាតំបន់ទេសចរណ៍ដ៏ទាក់ទាញបំផុតផងដែរ។

៣. ប្រទេស Tuvalu

Tulavu គឺជាប្រទេសមួយដែលនៅប្រជុំកោះតូចៗ ៦ នៅកណ្តាលមហាសមុទ្រប៉ាសុីហ្វិក ដែលស្ថិតនៅចន្លោះរដ្ឋ Queensland ប្រទេសអូស្រា្ដលី ដែលមានផ្ទៃដីសរុបប្រមាណ ២៦គីឡូម៉ែត្រការ៉េ និងមានប្រជាជន ១១.០០០ នាក់ប៉ុណ្ណោះ។

៤. សាធារណរដ្ឋសានម៉ារីណូ

សានម៉ារីណូ គឺជារដ្ធអធិបតេយ្យចំណាស់ជាងគេបំផុត ដែលសម្បូរទៅដោយព្រះវិហារ និងប្រាសាទចាស់ៗជាច្រើនផងដែរ។ សាធារណរដ្ឋសានម៉ារីណូមានផ្ទៃដីសរុបប្រមាណជា ៦១.២ គីឡូម៉ែត្រការ៉េ និងមានប្រជាជនរស់នៅ  ៣៣.០០០នាក់។

៥. សាធារណរដ្ឋ Nauru

សាធារណរដ្ឋ Nauru មួយនេះមានទីតាំងស្ថិតនៅទ្វីបអូសេអានី នៃប្រទេសអូស្រា្ដលីដែលមានរាងកោះជារង្វង់មូលអមជាមួយធម្មជាតិដ៏ស្រស់ត្រកាលគួរឲ្យចង់គយគន់។ សាធារណរដ្ឋ Nauru​ មានផ្ទៃក្រឡាប្រមាណ ២១គីឡូម៉ែត្រការ៉េ និងមានប្រជាជនរស់នៅសរុប ១២.០០០ ​នាក់។

៦. សាធារណរដ្ឋម៉ាល់ឌីវ

ប្រទេសដ៏តូចជាងគេបំផុតនៅអាសុីមួយនេះ មានផ្ទៃដីសរុបម្រាមាណជា ៣០០គីឡូម៉ែត្រការ៉េ និងមានប្រជាជនរស់នៅសរុប ៥៥១.០០០ ។ ជាមួយនិងទេសភាពដ៏អស្ចារ្យ មាល់ឌីវ បានទាក់ទាញភ្ញៀវទេសចរណ៍យ៉ាងច្រើនក្នុងមួយឆ្នាំៗផងដែរ៕