អង់គ្លេស៖ លោកគ្រូបង្វឹករបស់ក្រុមខ្នាយមាន់មាស Tottenham Hotspur គឺ Jose Mourinho បានទូរស័ព្ទទៅខ្សែបម្រើ Luka Modric ដើម្បីបញ្ចុះបញ្ចូលឱ្យរូបគេត្រឡប់មកចូលរួមជាមួយ Spurs វិញ នេះបើយោងតាមការរាយការណ៍ពីប្រភពព័ត៌មាននៅប្រទេសអេស្ប៉ាញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សModric បានចំណាយពេល៤ឆ្នាំជាមួយក្លិប Spurs មុននឹងចូលរួមជាមួយក្លិបអធិរាជស Real Madrid ដែលរូបគេបានឈ្នះពាន Champions League ដល់ទៅ៤ ដងក្នុងរយៈពេល៨ឆ្នាំកន្លងមកនេះ។
ម្ចាស់អាវលេខ១០រូបនេះបានវិវត្តន៍ខ្លួនឲ្យក្លាយជាខ្សែបម្រើដ៏ល្អម្នាក់ក្នុងប្រវត្តិសាស្ត្ររបស់Real Madrid ដោយបានលោកគ្រូ Jose Mourinho នេះហើយដែលព្យាយាមបញ្ចុះបញ្ចូលអូសទាញគេឲ្យមក Real Madrid នៅពេលដែលលោកគ្រូនៅដឹកនាំក្លិបយក្សម្ចាស់ពាន UCL ១៣សម័យ។ កាលណោះ Modric បានបង្ហើបថាលោកគ្រូ Mourinho បានទូរស័ព្ទទៅប្រាប់ថ្នាក់ដឹកនាំរបស់ Spurs ដោយផ្ទាល់ដើម្បីចរចាយក Modric មកទឹកដី Santiago Bernabeu ។
យោងតាម El Chiringuito ពេលនេះ Mourinho មានបំណងចង់ឈ្នះពាន ជាមួយ Spurs ហើយលោកក៏បានទូរស័ព្ទទៅ Modric ដើម្បីអូសទាញគេមកកាន់ក្លិបដែលមានមូលដ្ឋាននៅភាគខាងជើងទីក្រុងឡុងដ៍វិញផងដែរ។
កុងត្រារបស់ខ្សែបម្រើសញ្ជាតិក្រូអាតរូបនេះជាមួយក្លិប Real Madrid នឹងផុតកំណត់នៅចុងរដូវកាលនេះហើយ អ៊ីចឹងមានន័យថា Modric អាចពិភាក្សាជាមួយអ្នកតំណាងក្លិបផ្សេងៗដែលចង់បានរូបគេចាប់ពីខែមករានេះតទៅ ប៉ុន្តែមើលទៅលោកគ្រូ Mourinho បានបើកការចរចាលឿនជាងការរំពឹងទុក។
Luka Modric ឯណោះវិញក៏បានផ្ដល់បទសម្ភាសន៍ប្រាប់ The Times ទាក់ទងនឹងលោកគ្រូបង្វឹកJose Mourinho ដែរថា៖
គួររម្លឹកផងដែរថា Luka Modric បានបង្ហាញខ្លួនឲ្យក្លិប Real Madrid បាន ១៣ដង នៅរដូវកាលនេះនិងស៊ុតបញ្ចូលទីបាន១គ្រាប់និងបញ្ជូនបាល់ឲ្យមិត្តរួមក្រុម១គ្រាប់ទៀត៕
ប្រភព៖ express