ប្រិយមិត្តប្រាកដជាបានស្គាល់ហើយថា លោក Tommy និងអ្នកនាង សួស វីសា តារាចម្រៀងប្រចាំផលិតកម្មរស្មីហង្សមាស គឺជាគូស្វាមីភរិយាសិល្បៈដ៏ល្បីល្បាញ និងមានសុភមង្គលគ្រួសារគួរឱ្យច្រណែន ជាមួយនឹងវត្តមានកូនស្រីគួរឱ្យស្រលាញ់ជាចំណងដៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![អ្នកនាង សួស វីសា និងលោក Tommy](https://s9.kh1.co/__image/w=650,h=434,q=100/3a/3a7c19620db8661d456ff2b522444bb8c7136a5f.jpg)
![អ្នកនាង សួស វីសា និងលោក Tommy](https://s9.kh1.co/__image/w=650,h=650,q=100/75/7506baa35a4f3bd0c905679e484f33a9f81f255c.jpg)
តែក្រៅពីជាគូស្វាមីភរិយា ដែលមានភាពជោគជ័យនៅក្នុងការងារសិល្បៈ និងមុខជំនួញក្រៅសិល្បៈផងនោះ គូស្នេហ៍មួយគូនេះ ថែមទាំងមានទឹកចិត្តធ្វើកិច្ចការជួយសង្គម និងជួយអ្នកដែលមានជីវភាពក្រខ្សត់គួរឱ្យសរសើរខ្លាំងមែនទែន។ ដោយថ្មីៗនេះលោក Tommy និងអ្នកនាង សួស វីសា ថែមទាំងបានជួយសង់ផ្ទះជូនលោកតាកម្សត់ដែលនៅស្រុកកំណើតអ្នកនាង សួស វីសា ផ្ទាល់ក្នុងខេត្តស្វាយរៀងទៀតផង។
![ផ្ទះដែលអ្នកនាង សួស វីសា និងលោក Tommy សង់ជូនលោកតាកំសត់](https://s9.kh1.co/__image/w=650,h=629,q=100/25/25c879d5e189edda999480603f9852852f779c1c.jpg)
តាមរយៈគណនីហ្វេសប៊ុកលោក Tommy Real ស្វាមីអ្នកនាង សួស វីសា បានឱ្យដឹងថា៖ « លោកតាកំសត់នៅខេត្តស្វាយរៀងស្រុកកំណើតខាងប្រពន្ធខ្ញ៉ំ ឥឡូវខ្ញ៉ំបានជួយសាងសង់ផ្ទះអោយលោកតាកំសត់គ្មានផ្ទះជ្រកកោនបានរស់នៅមានបន្ទប់ទឹកមានកន្លែងស្នាក់នៅហើយ ទោះមិនបានផ្ទះធំខ្លាំងតែវាជាសទ្ធាទានបុណ្យកុសល ដែលខ្ញ៉ំបានសាងជូនលោកតាកំសត់ដែលគ្មានផ្ទះជ្រកកោននេះ សូមអោយលោកតារស់នៅមានសុខភាពល្អបានអាយុវែងផងចុះ ការសន្យាដែលភរិយាខ្ញ៉ំបានសន្យាថាជួយលោកតាហើយគាត់បានប្រាប់មកខ្ញ៉ំឥឡូវនេះខ្ញ៉ំបានអោយកូនចៅនាំជាងសាងសង់ធ្វើបានសំរេចអោយគាត់បាន ៩០%ហើយ សូមជូនបុណ្យកុសលទាំងអស់នេះកើតមានដល់ក្រុមគ្រួសារខ្ញ៉ំទាំងអស់និងពិសេសបងប្អូនជនរួមជាតិយើងទាំងអស់គ្នាផងចុះ ។
ថ្ងៃនេះជាថ្ងៃសីល៍ហើយសម្រាប់ការសាងសង់ផ្ទះជូនលោកតាកំសត់អត់មានដីនិងផ្ទះសំបែងជ្រកកោនឥឡូវនេះខ្ញ៉ំបានសាងសង់ជូនគាត់រួចរាល់ហើយ គាត់អាចចូលរស់នៅបានហើយសូមជូនបុណ្យកុសលដល់ក្រុមគ្រួសារខ្ញ៉ំ និងញាត្តិមិត្តបង ធ្វើបុណ្យសាងកុសលអោយច្រើនៗនោះជីវិតយើងក៏ទទួលបានផលបុណ្យក្តីសុខត្រឡប់មកវិញ »។
![ផ្ទះដែលអ្នកនាង សួស វីសា និងលោក Tommy សង់ជូនលោកតាកំសត់](https://s9.kh1.co/__image/w=650,h=743,q=100/80/8099b8a4d54fb0f668e0e84a93227a7490325776.jpg)
![ផ្ទះដែលអ្នកនាង សួស វីសា និងលោក Tommy សង់ជូនលោកតាកំសត់](https://s9.kh1.co/__image/w=650,h=865,q=100/4c/4c88c952d02509143d62a44fedda8183ee2e3b37.jpg)
នេះស្តែងឱ្យដឹងថា ទាំងលោក Tommy និងអ្នកនាង សួស វីសា ដ្បិតតែជាតារាសិល្បៈ ដែលមានឈ្មោះល្បី និងមានជីវភាពប្រសើរមែន តែក៏មិនដែលភ្លេចធ្វើបុណ្យធ្វើទាន និងជួយអ្នកក្រខ្យត់នៅក្នុងសង្គមឡើយ ដែលជាទង្វើគួរឱ្យកោតសរសើរជាខ្លាំង៕
![លោកតាកំសត់](https://s9.kh1.co/__image/w=650,h=867,q=100/34/3458469e269a1c8d7d70bea3f46dde2eb9b908f2.jpg)
![ផ្ទះដែលអ្នកនាង សួស វីសា និងលោក Tommy សង់ជូនលោកតាកំសត់](https://s9.kh1.co/__image/w=650,h=488,q=100/23/2309a4e7e5c2b31c7b69dc49790225e39b6f966b.jpg)