មិនមែន Ronaldo ទេ! Rooney បង្ហើបថាអតីតមិត្តរួមក្រុមរបស់គេរូបនេះជាកីឡាករល្អបំផុតនៅ Man UTD - Khmerload

មិនមែន Ronaldo ទេ! Rooney បង្ហើបថាអតីតមិត្តរួមក្រុមរបស់គេរូបនេះជាកីឡាករល្អបំផុតនៅ Man UTD

https://s9.kh1.co/e2/e23a38639772934eb959bdbecfde1f269fe8e648.jpg
កីទ្បា
 25-Nov-2020 1pm · a year ago

Rooney ចេញមកបង្ហើបថា Paul Scholes គឺជាកីឡាករល្អបំផុតក្នុងចំណោមមិត្តរួមក្រុមដែលគេធ្លាប់លេងជាមួយកាលនៅ Manchester United

បរទេស៖  កំពូលខ្សែប្រយុទ្ធសញ្ជាតិអង់គ្លេស Wayne Rooney ទទួលបានភាពជោគជ័យជាច្រើនជាមួយក្លិប Manchester United ក្រោយចំណាយពេលលេងឲ្យក្លិបមួយនេះពីឆ្នាំ២០០៤ដល់២០១៧ ។ ក្នុងនោះរូបគេឈ្នះពាន Premier League បាន៥លើកនិងពាន UEFA Champions League បានមួយលើកផងដែរ។ 

https://s9.kh1.co/__image/w=650,h=650,q=100/6a/6a33b12a765a521890511bf2859fbeba5008355e.jpg
Wayne Rooney
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះរូបគេធ្លាប់លេងជាមួយកីឡាករកំពូលៗជាច្រើនដូចជា Cristiano Ronaldo, Ryan Giggs, Rio Ferdinand, Namanja Vidic និង Ruud van Nistelrooy ជាដើម។ ដោយឡែកនៅក្នុងកិច្ចសម្ភាសន៍ជាមួយ UTD Podcast ថ្មីៗនេះ Rooney បានបង្ហើបថាក្នុងចំណោមមិត្តរួមក្រុមដែលគេធ្លាប់លេងជាមួយកាលនៅ Man UTD កន្លងមកនេះ Paul Scholes គឺជាកីឡាករល្អដាច់គេ។

https://s9.kh1.co/__image/w=650,h=366,q=100/e1/e1c36067e8129f11cb6b9c25c3e3fd2d1b89c85e.jpg
ក្រុមកីឡាកររបស់ក្លិប Man UTD ក្នុងរដូវកាល២០០៧/០៨

គួរបញ្ជាក់ដែរថាអតីតខ្សែបម្រើឆ្នើម Paul Scholes ចូលលេងឲ្យ Man UTD កាលពីឆ្នាំ១៩៩៣ និងប្រកាសចូលនិវត្តន៍លើកទី១នៅឆ្នាំ២០១១។​ ដោយឡែកក្នុងឆ្នាំ២០១២ កីឡាកររូបនេះបានប្រឡប់ចូលទីលានវិញ មុនពេលដែលព្យួរស្បែកជើងជាផ្លូវការនៅក្នុងឆ្នាំ២០១៣ក្នុងវ័យ៣៨ឆ្នាំ។ ក្នុងនោះ Scholes បង្ហាញខ្លួនសរុបឲ្យ Man UTD បានរហូតដល់ទៅ៧១៨ប្រកួត ស៊ុតបាន១១៥គ្រាប់ ឈ្នះពាន Premier League បាន១១លើក និងពាន UEFA Champions League បាន២លើក៕

https://s9.kh1.co/__image/w=650,h=422,q=100/44/44f3d12b683877a6a753d6e9f990f3e2c85e4c6a.jpg
Paul Scholes

ប្រភពgivemesport

Chheang Dalin
ឈាង ដាលីន

អត្ថបទទាក់ទង