Dilraba ស្អាតហើយចិត្តល្អទៀត តែងជួយមិត្តៗក្នុងពេលលំបាក

ចិន៖ ថ្មីៗនេះ អ្នកសរសេរប្លុកចិនជាច្រើន ចែករំលែកពីទិដ្ឋភាពដ៏រំជើបរំជួល របស់ តារាស្រី Dilraba នៅក្នុងពេលបង្ហាញខ្លួនក្នុងកម្មវិធីម្ដងៗ នាងតែងតែបង្ហាញពីទឹកចិត្តក្នុងការជួយគ្នាទៅវិញទៅមក ជាពិសេសចំពោះ សិល្បៈការិនី ដែលបានមកជាមួយនឹងឈុតសំពត់ខ្លី ឬ រ៉ូបវែង និងស្បែកជើងកែងខ្ពស់ៗ ដែលពិបាកដើរចុះជណ្តើរ រួមទាំងធ្វើការបំលាស់ទី ផងដែរ។

យ៉ាងណាមិញ តាមរយៈរូបភាពទាំងនោះ អ្នកគាំទ្រជាច្រើន បានកោតសរសើរចំពោះសកម្មភាពរបស់នាង ព្រោះមិនត្រឹមតែមានរូបសម្រស់ដ៏ស្រស់សោភានោះទេ នាងថែមទាំងមានទឹកចិត្ត និងធ្វើឲ្យអ្នកដែលនៅក្បែរនាង មានអារម្មណ៍ថា មានសុវត្ថិភាពជានិច្ច ទៀតផង។ 

អ្វីដែលគួរឲ្យចាប់អារម្មណ៍ជាងនេះ នោះគេមិនត្រឹមតែចំពោះតារាស្រីនោះទេ សូម្បីតែតារាប្រុសៗ នៅក្នុងពេលដែលបានលេងហ្គេមជាមួយគ្នា នាងក៏បានបង្ហាញពីការយកចិត្តទុកដាក់ បញ្ចេញកាយវិការការពារ ចៀសវាង កុំឲ្យមានគ្រោះថ្នាក់ ផងដែរ៕ 

សូមទស្សនារូបភាពខាងក្រោម៖