ឈានចូលដល់ ថ្ងៃខួបកំណើតវ័យ៣០ឆ្នាំ នីគីនីគី លេងមួយចាស់ដៃ

ភ្នំពេញ៖ ដូចអ្វីដែលយើងបានឃើញសព្វថ្ងៃអំពីភាពល្បីល្បាញនិង កេរ្តិ៍ឈ្មោះរបស់ នីគីនីគី ដែលជាតារាចម្រៀងស្រីម្នាក់ដែល មានឈ្មោះបោះសម្លេងខ្លាំងនៅក្នុងវិស័យសិល្បៈ ដែលទទួលបានការស្រលាញ់ គាំទ្រ យ៉ាងខ្លាំងពីសំណាក់ហ្វេនជាតិនិង អន្តរជាតិ។

ជាការពិតណាស់ តារាម្នាក់នេះបានចំណាយពេល ប្រឡូកក្នុងវិស័យអស់រយៈពេលជាច្រើនឆ្នាំមកហើយ ហើយបទនីមួយសុទ្ធសឹងតែទទួលបានការគាំទ្រគ្រប់ៗបទពីសំណាក់អ្នកគាំទ្រតែម្តង ដោយគិតពីគុណភាពសម្លេង កម្រិតវីដេអូនិង សម្លេងដ៏ក្រអួនក្រអៅរបស់ម្ចាស់បទផងដែរ។

ដោយឡែក ក្នុងថ្ងៃថ្ងៃទី០៧ ខែវិច្ឆិកា​ ឆ្នាំ២០២០​ នេះម្ចាស់បទ  «Home For Dinner»   បានបង្ហោះរូបភាពមួយសន្លឹកទៅក្នុងបណ្តាញសង្គម ដោយឈរស្លៀកបង្ហាញរូបរាងនិង ទឹកមុខដ៏គួរសុិចសុី គួរឲ្យស្រលាញ់ អមជាមួយនឹងរ៉ូបរាងខៀវចាស់ ក្នុងថ្ងៃខួបកំណើតវ័យ៣០ឆ្នាំគត់ និងដើម្បីបង្ហាញទៅកាន់អ្នកគាំទ្រឲ្យបានដឹងគ្រប់ៗគ្នាផងដែរ។

បន្ទាប់ពីរូបភាពមួយសន្លឹក បង្ហោះចូលទៅក្នុងបណ្តាញសង្គមរួចមក ឃើញថាមានអ្នកគាំទ្រជាច្រើន បានចូលបញ្ចេញមតិ សរសើរពីសម្រស់តារាស្រីម្នាក់នេះនិង ឆ្លៀតអបអរថ្ងៃខួបកំណើតនិង ជូនពរអាយដល់របស់គេយ៉ាង កក់ក្តៅផងដែរ៕

ចុះអ្នកទាំងអស់គ្នាមានអ្វីជូនពរដល់អាយដល នីគីនីគី ដែរឬទេ?

សូមចូលមើលរូបភាពខាងក្រោម៖