ទាំងនេះជាទិដ្ឋភាពបង្ហាញពីប្រជាជននាំគ្នារាំផង ស្រែកហ៊ោផង បន្ទាប់ពីដឹងថាលោក ចូ បៃដិន នឹងក្លាយជាប្រធានាធិបតីអាមេរិក (មានវីដេអូ)

អាមេរិក៖ ដូចដែលប្រិយមិត្តអ្នកអានបានជ្រាបហើយថា ការបោះឆ្នោតជ្រើសរើសប្រធានាធិបតីអាមេរិក បានប្រព្រឹត្តធ្វើឡើងនៅថ្ងៃអង្គារ ទី០៣ ខែវិច្ឆិកាកន្លងទៅ ដោយមានគណបក្សដ៏ខ្លាំងចំនួនពីរ រវាងលោក ដូណាល់ ត្រាំ និងលោក ចូ បៃដិន។ ហើយជ័យជម្នះក្នុងការទទួលបានអង្គបោះឆ្នោតលើសចំនួន២៧០ បានធ្វើឲ្យលោក ចូ បៃដិន នឹងក្លាយជាប្រធានាធិបតីរបស់អាមេរិកទី៤៦។

យ៉ាងណាមិញ បន្ទាប់ពីលោក ចូ បៃដិន ទទួលបានជ័យជម្នះលើអង្គបោះឆ្នោតរួចមក បានធ្វើឲ្យបណ្ដាអ្នកគាំទ្ររបស់លោកនៅតាមទីក្រុងនីមួយៗ នាំគ្នាស្រែករាំ និងហ៊ោយ៉ាងក្អាកក្អាយដើម្បីអបអរ និងអ្នកខ្លះទៀត សប្បាយចិត្តរហូតដល់ស្រក់ទឹកភ្នែកផងដែរ។

បើទោះជាយ៉ាងណាក្ដី ក៏មានបណ្ដាអ្នកគាំទ្ររបស់លោក ដូណាល់ ត្រាំ បានបង្ហាញពីការមិនពេញចិត្តចំពោះលទ្ធផលអង្គបោះឆ្នោតផងដែរ ដែលធ្វើឲ្យពួកគេផ្ទុះឡើងនូវការប៉ះទង្គិចគ្នាជាមួយនឹងបណ្ដាអ្នកគាំទ្ររបស់លោក ចូ បៃដិន នៅក្នុងទីក្រុងរួមទាំងរដ្ឋមួយចំនួន ដូចជាទីក្រុង Lansing និងរដ្ឋ Michigan ជាដើម៕

សូមទស្សនារូបភាពនិងវីដេអូខាងក្រោម៖