លួសព្រលឹងមិនស្ទើរ! ពេលឃើញ Dahyun សមាជិកក្រុម TWICE ពត់ខ្លួនឡើងសាហាវបែបនេះ (មានវីដេអូ)

កូរ៉េខាងត្បូង ៖ ក្រុម​ចម្រៀង​នារី​​កូរ៉េល្បីល្បាញ​ TWICE បាន​បង្ហាញ​មុខ​ជា​ភ្ញៀវ​កិត្តិយស​ជាពិសេស​មួយ​ ក្នុង​កម្មវិធីជជែកកម្សាន្ត Radio Star របស់ប៉ុស្តិ៍ទូរទស្សនិ៍ MBC ដែលនឹងត្រូវចាក់ផ្សាយ​ នៅថ្ងៃទី ២៨ ខែតុលា ខាងមុខនេះ។

ជាក់ស្តែង ក្នុងកម្មវីធីល្បីមួយនេះ​ក៏បាន បង្ហោះវីដេអូខ្លីៗ ដែលគេបានសង្កេតឃើញថា Dahyun បានបង្ហាញពីទេពកោសល្យលាក់កំបាំងរបស់នាង ដែលមនុស្សគ្រប់គ្នា កម្រនឹងអាចធ្វើដូច។

ទន្ទឹមនឹងនេះដែរ តាមរយៈវីដេអូខាងក្រោម Dahyun បានបង្ហាញសមត្ថភាព ក្នុងការពត់ខ្លួន ត្រលប់ទៅក្រោយ យ៉ាងស្ទាត់ជំនាញ អ្វីដែលពិសេស និងគួរឲ្យភ្ញាក់ផ្អើលជាងនេះទៅទៀត​នោះគឺ ខណៈពេលដែលតារាស្រីរូបនេះ កំពុងតែពត់ខ្លួនទៅក្រោយ នាងបានត្រលប់ខ្លួន ពីស្តាំទៅឆ្វេង យ៉ាងងាយស្រួល ថែមទាំងបញ្ចេញស្នាមញញឹម បែប Cute ទៀតផង។

យ៉ាងណាមិញ Dahyun មានជំនាញបត់បែនរាងកាយ បានយ៉ាងងាយបែបនេះ គឺដោយសារតែបទពិសោធន៍របស់នាង ដែលបានហាត់រៀនរាំរបាំ និងធ្វើកាយសម្ព័ន្ធ។ ជាការពិតណាស់ មិនត្រឹមតែ Dahyun នោះទេ សមាជិកដទៃទៀតដូចជា Tzuyu និង Mina ក៏សុទ្ធសឹងតែមានរាងកាយទន់បែបនេះផងដែរ៕ 

សូមទស្សនាវីដេអូខាងក្រោម៖