ជំនឿ៖ តាមការស្រាវជ្រាវ នៅក្នុងស្ថានីយ ប្រវត្តិសាស្ត្រ អង្គរបុរីបានបង្ហាញ ឲ្យដឹងនូវ គំនិតរបស់ ខ្មែរបុរាណថា ក្រោយការផ្សព្វផ្សាយ និងទទួលយកជាបន្តបន្ទាប់ នូវឥទ្ធិពលរបស់ សាសនាឥណ្ឌា គេអាចមើលឃើញថា ព្រះកថាក្នុងជំនឿ មនោគម សាសនាឥណ្ឌានេះ ធ្វើឡើងមិនមែនគ្រាន់តែ សម្រាប់លម្អរូបរាងកាយ តែប៉ុណ្ណោះទេ ក៏ប៉ុន្តែវាមានលក្ខណៈពិសិដ្ឋ ដើម្បីទប់ស្កាត់ ការពារខ្លួនប្រាណ រាល់អំពើ ឧបទ្រពចង្រៃ ថែមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាក់ស្តែង ប្រៀបដូចជា ការនិយមព្រះកថា នៅក្នុងសង្គមខ្មែរ បានចាប់ផ្តើម មានឡើងតាំងពី ជនជាតិខ្មែរបានក្លាយជា អ្នកកាន់ព្រហ្មញ្ញសាសនា និងព្រះពុទ្ធសាសនា ដំបូងក្នុងអំឡុង នាដើមសតវត្សរិ៍ទី១ មកម្ល៉េះ។ តើព្រះកថាជាអ្វី? កថាគឺជា បន្ទះសំណ ប្រាក់ ស្ពាន់ ឬមាស ដែលមាន ចារយ័ន្តបាលីគាថាបញ្ចុះ ហើយដាស់ឲ្យ ពូកែស័ក្តិសិទ្ធិ។ កថាត្រូវដោត ក្រងជាខ្សែមួយ ខ្សែពីរ ឬខ្សែបី សម្រាប់ក្រវាត់ នៅចង្កេះក៏មាន ឬសម្រាប់ធ្វើពាក់ នៅនឹងកក៏មានដែរ។
រីឯចំពោះតំណមនៃ ការពាក់ខ្សែកថានេះ មនុស្សមួយបានលើកឡើងថា ហាមមិនឲ្យអ្នកដែល ពាក់ខ្សែកថាដើរ នៅក្រោមស្នួល ហាលខោអាវ ក្រោមផ្ទះជាដើម។ល។ ក៏ប៉ុន្តែចំពោះ ត្រណមមន្តអាគមគឺ អាស្រ័យលើគ្រូ ជាអ្នកកំណត់។ ករណីគ្រូ មិនបានប្រាប់សិស្ស អំពីត្រណមផ្សេងៗ នោះទេ គឺចាត់ទុកថា សិស្សឬអ្នកពាក់នោះ គ្មានត្រណមអ្វី ដែលនឹងខុសគ្រូនោះទេ។ ដូច្នេះប្រសិន បើយើងមិនចេញ ទៅណាទេ អាចដាក់តម្កល់ ទុកលើហឹង ដុតទៀនធូបបូជា ជាប្រក្រតីរាល់ថ្ងៃសីល ទៅបានហើយ។
ជាទូទៅ សម្រាប់បុព្វបុរសខ្មែរ តែងមានការរៀន និងមានជំនឿខ្លាំង លើមន្តអាគមនេះស្ទើរ តែ១០០ភាគរយ ទៅហើយ ជាពិសេសគឺ អង្គព្រះមហាក្សត្រនិង មេទ័ពធំៗ នាសម័យនោះតែម្តង ដែលតែងតែ ប្រកាន់ភ្ជាប់និង គោរពលើជំនឿ បែបនេះជាងគេ។ ជារួមមិនមែនមានតែ ព្រះកថាតែប៉ុណ្ណោះទេ នៅមានអាគមជាច្រើន ប្រភេទទៀតដូចជា នាងពួន ចែកាច់ អាថ័ន កូនក្រក និងមានអាគមជាច្រើន ប្រភេទផ្សេងទៀតផងដែរ ដែលខ្មែរយើង តែងតែមាន ជំនឿលើតាំងពីបុរាណកាល តរហូតមកទល់ពេលបច្ចុប្បន្ននេះ៕
ប្រភព៖ Sar... , Dicovery...
Bong I.T