ចម្លែក​​ភ្នែក​​ទេ? ៥ សន្លឹក​​​​គួរ​​ឲ្យ​ខ្លាច​ពី សុភ័ក្ត្រ កុសុម៉ា ជា​មួយ​ការ​តុប​​តែង​​​ខ្លួន​​បែប​ Halloween

ភ្នំពេញ៖ បច្ចុប្បន្នប្រជាប្រិយភាពរបស់តារាចម្រៀង និងពិធីការិនី សុភ័ក្រ្ត កុសុម៉ា កាន់តែហក់ឡើងពីសំណាក់​មិត្តយុវវ័យ និងមហាជនស្ទើរតែគ្រប់ទិសទី ដោយសារតែតារាស្រីរូបនេះមានដុងកំប្លែងស្ងួត សម្តីចាក់ទឹកមិនលិច រួមជាមួយនឹងកាយវិការក្រមិចក្រមើមគួរឲ្យស្រលាញ់។ សុភ័ក្រ្ត កុសុម៉ា មិនត្រឹមតែមានទេពកោសល្យ និងសមត្ថភាព​នោះទេ ងាកមកមើលសម្រស់វិញគឺកាន់តែមានភាពស្រស់ស្អាត។

ហើយបើនិយាយពីការតុបតែងខ្លួនវិញ សុភ័ក្រ្ត កុសុម៉ា គឺចូលចិត្តលេងខ្លួនជាមួយនឹងម៉ូដសម្លៀកបំពាក់ប្លែកៗ ចម្លែកៗ ពិសេសផាត់មុខយ៉ាងលេចធ្លោ ទាក់ទាញ និងមិនដែលធ្វើឲ្យទស្សនិកជនសុំាភ្នែកឡើយ។

ជាក់ស្តែងថ្មីៗនេះ តារាស្រីរូបនេះទើបនឹងបង្ហោះរូបប៉ុន្មានសន្លឹកនៅក្នុងបណ្តាញសង្គម ជាមួយនឹងការតុបតែងមុខ និងម៉ូដសក់បែប Halloween ព្រមទាំងស្លៀកនូវសម្លៀកបំពាក់ឈុតពណ៌ស ធានាថាកាន់តែចម្លែកភ្នែកជាក់​ជា​មិនខានតែម្តង៕
សូមទស្សនារូបភាពខាងក្រោមនេះ ៖