កូន​ស្រី​​បណ្តូល​​ចិត្ត ឌី សូនីត្តា មិន​ត្រឹម​​តែ​មាន​មុខ​គួរ​ឲ្យ​ក្នាញ់​​ទេ​ ថែម​​ទាំង​​មាន​​ឈ្មោះ​​ពិរោះ​ទៀត​

ភ្នំពេញ៖ ប៉ុន្មានថ្ងៃនេះប្រិយមិត្តជាច្រើនបានការភ្ញាក់ផ្អើលខ្លាំងនៅក្នុងបណ្តាញសង្គមហ្វេសប៊ុក បន្ទាប់ពីតារាសម្តែង​ស្រីល្បីឈ្មោះ ឌី សូនីត្តា បានបង្ហោះសារ និងវីដេអូបកស្រាយពីរឿងរ៉ាវមានផ្ទៃពោះ ក៏ដូចជាសុំទោសដល់បងប្អូន​មហាជន ហ្វេនៗ ដែលតែងតែគាំទ្រអ្នកនាងពីមុនមក។

ជាក់ស្តែង កាលពីយប់មិញនេះ អ្នកម្តាយវ័យក្មេងរូបនេះបានបង្ហោះរូបមួយសន្លឹកជាមួយនឹងកូនស្រី​បណ្តូលចិត្ត​ដែលទើប​នឹងសម្រាល។ ដោយនៅក្នុងរូបនោះអ្នកនាងបានសរសេរយ៉ាងដូច្នេះថា “បានជួបគ្នាហើយកូន! ជំរាបសួរពុកម៉ែ យាយតា ពូមីងជាទីគោរពចាស អូនឈ្មោះ «Smile» «ញញឹម »ចេញមកហើយចាស”។ ភ្លាមៗនោះអ្នកគាំទ្រជាច្រើនរបស់អ្នកនាងបាន Share ក៏ដូចជាខមិនដើម្បីអបអរសាទរ និងជូនពរទាំងម្តាយ និងកូនឲ្យមានសុខភាពល្អផងដែរ។

តួយ៉ាងអ្នកនាង ឌី សូនីត្តា ក៏មិនទាន់បានជម្រាបពីទម្ងន់ និងឈ្មោះពិតរបស់កូនស្រី ដែលមានមុខគួរឲ្យក្នាញ់នៅ​ឡើយ​ទេ ប៉ុន្តែបើយោងតាមរូបថតមួយសន្លឹកដែល អេឡិច ហ្សូរ៉ា បង្ហោះគឺមានជាប់ឈ្មោះទារិកានេះនៅពីក្រោយ ដែលមានឈ្មោះថា «Nita Meyha» ហៅ «ញញឹម»៕

សូមទស្សនារូបភាពខាងក្រោមនេះ ៖